Home Blog Page 3

ખેડૂત મિત્રોએ પીએમ કિસાન યોજનાનો લાભ મેળવવા માટે વિગતો અપડેટ કરાવવી જરૂરી

ખેડૂતોએ જમીનની વિગતો અપડેટ કરાવવી, બેંક સાથે આધાર સીડિંગ અને ડી.બી.ટી. ઇનેબલ તેમજ ઈ-કે.વાય.સી. કરાવવાનું રહેશે

પ્રધાનમંત્રી કિસાન સન્માન નિધિ યોજના હેઠળ ખેતીની જમીન ધરાવતા ખેડૂત ખાતેદારને વાર્ષિક રૂ.૬૦૦૦ ની સહાય ત્રણ હપ્તામાં ચુકવવામાં આવે છે. પ્રધાનમંત્રી કિસાન સન્માન નિધિ યોજનામાં સમાવિષ્ટ તમામ લાભાર્થીઓને ફરજીયાત પોતાના પી.એમ. કિસાન એકાઉન્ટમાં ૧.લેન્ડ સીડિંગ (જમીનની વિગતો) અપડેટ કરાવવી, ૨.બેંક સાથે આધાર સીડિંગ અને ડી.બી.ટી. ઇનેબલ ૩. ઈ-કે.વાય.સી. કરાવવું જરૂરી છે.

જે ખેડૂતોને પી.એમ.કિસાનની સહાય મળતી બંધ થઇ ગઈ હોય તેમણે ઉપર જણાવેલ ત્રણ વિગતો અપડેટેડ છે કે નહિ તે ખેડૂત જાતે પી.એમ.કિસાન વેબસાઈટ પર જઈને ચેક કરાવી શકે અથવા ગ્રામ પંચાયતના વિ.સી.ઇ. મારફત અથવા ગ્રામસેવક મારફત ચેક કરાવી શકે છે.

જો ઉપરોક્ત ત્રણ વિગતની સામે “NO”/”REJECTED” બતાવે તો ૧.લેન્ડ સીડિંગ (જમીનની વિગતો) અપડેટ કરાવવા માટે આપની તાલુકા પંચાયતનો સંપર્ક કરવો. ૨.બેંક સાથે આધાર સીડિંગ કરાવવા અને ડી.બી.ટી. ઇનેબલ માટે આપનું બેંક ખાતું હોઈ તે બેંકનો સંપર્ક કરી શકો અથવા આપની નજીકની ઇન્ડિયન પોસ્ટ પેમેન્ટ બેંક (પોસ્ટ ઓફીસ) નો સંપર્ક કરીને આધાર લીંક બેંક એકાઉન્ટ ખોલાવી શકો છો. ૩.ઇ- કે.વાય.સી. કરાવવા માટે આપના ગામના ગ્રામ સેવકનો સંપર્ક કરવો અથવા આપના ગામના વિ.સી.ઇ.નો સંપર્ક કરીને કરી શકો.

આ માટે લાભાર્થીએ આધાર કાર્ડ અને મોબાઈલ નંબર તેમજ રૂબરૂ હાજરી જરૂરી રહેશે. વધુ માહિતી માટે ગ્રામ્ય કક્ષાએ અથવા તાલુકા પંચાયત ખાતે ગ્રામ સેવકનો સંપર્ક કરવા જિલ્લા ખેતીવાડી અધિકારીશ્રીની યાદીમાં જણાવાયું છે.

એલ.ઈ. કોલેજ દ્વારા મોરબીમાં ઘુંટુ ખાતે કારકિર્દી માર્ગદર્શન સેમિનાર યોજાશે

સેમિનારમાં ડિપ્લોમાની શાખાઓ, ધોરણ ૧૦/ ITI પછી ડિપ્લોમા એંજીનીયરીંગમાં એડમિશન તથા વિદ્યાર્થીઓ/વાલીશ્રીઓનાં મુંજવતા પ્રશ્ર્નો અંગે માહિતી અપાશે

એડમીશન કમીટી ફોર પ્રોફેશનલ ડિપ્લોમા કોર્સિસ(ACPDC) અમદાવાદ દ્વારા નિયુક્ત નોડલ સંસ્થા, એલ ઈ કોલેજ(ડિપ્લોમા) મોરબી દ્વારા તા.૨૪/૦૫/૨૦૨૪ ના રોજ સમય સવારે ૧૧:૩૦ કલાકે ‘કારકિર્દી માર્ગદર્શન સેમિનાર’નું આયોજન ITI કેમ્પસની બાજુમા, મહેંદ્રનગર પાણીની ટાંકી સામે, ઘુંટુ રોડ, મોરબી-૨(૩૬૩૬૪૨) ખાતે કરવામાં આવ્યું છે.

આ સેમિનારમાં કોલેજનાં એડમિશન વિભાગના નિષ્ણાંતો દ્વારા જુદી જુદી ડિપ્લોમાની શાખાઓની માહિતી, ધોરણ ૧૦ પછી અને ITI અભ્યાસ પછી ડિપ્લોમા એંજીનીયરીંગમાં કઈ રીતે એડમિશન મળી શકે અને તે માટે કરવી પડતી ઓનલાઈન પ્રક્રીયા તથા વાલીશ્રીઓનાં મુંજવતા પ્રશ્ર્નો અંગે માહિતી આપવામાં આવશે.

જેથી ધોરણ ૧૦નો અભ્યાસક્રમ પુર્ણ કરેલ હોય તેવા વિદ્યાર્થીઓ અને વાલીશ્રીઓને કારકિર્દી માર્ગદર્શન સેમિનાર’ના કાર્યક્રમમાં ઉપસ્થિત રહીને કાર્યક્રમનો વધુ ને વધુ લાભ લેવા એલ.ઈ. કોલેજ(ડિપ્લોમા)ના આચાર્યશ્રીની યાદીમાં જણાવાયું છે.

અમદાવાદ એરપોર્ટ પરથી ઝડપાયા 4 આતંકીઓ, સામે આવ્યું ISIS કનેક્શન, થઇ શકે છે અનેક ખુલાસા

અમદાવાદ એરપોર્ટ પરથી ચાર આતંકવાદીઓ ઝડપાયા છે. ઝડપાયેલા આતંકવાદીઓ ISIS સાથે સંકળાયેલા હોવાનું પ્રાથમિક તપાસમાં જાણવા મળી રહ્યું છે.

આજે પાંચમાં તબક્કાનું લોકસભાનું મતદાન યોજાઈ રહ્યું છે. ત્યારે ગુજરાત એટીએસ દ્વારા અમદાવાદ એરપોર્ટ પરથી ચાર આતંકવાદીઓ ઝડપાયા હતા. ઝડપાયેલા આતંકવાદીઓ ISIS સાથે સંકળાયેલા આતંકીઓ ઝડપાયા છે. ઝડપાયેલા 4 આતંકીઓ શ્રીલંકન નાગરીક હોવાનું પ્રાથમિક તપાસમાં બહાર આવવા પામ્યું છે.

ગુજરાત એટીએસને મોટી સફળતા મળી છે. એટીએસ દ્વારા તમામ ચાર આતંકવાદીઓની ધરપકડ કરી તેઓની પૂછરપછ હાથ ધરી છે. એટીએસની પૂછપરછમાં આતંકવાદીઓ મોટા ખુલાસા કરે તેવી શક્યતાઓ સેવાઈ રહી છે.

Twitterની સફર પૂર્ણ: ઈલોન મસ્કે ટ્વીટરનું નામોનિશાન રહેવા દીધું નહીં, હવે URL પણ થઈ X

ઈલોન મસ્કે આખરે Twitterનું નામોનિશાન ખતમ કરી દીધું છે. Twitterને ખરીદ્યા બાદ તેણે તેનું નામ બદલીને X કર્યું હતું, પરંતુ એક્સ વેબસાઈટની યુઆરએલ Twitter.comથી ઓપન થઈ રહી હતી. હવે ઈલોન મસ્કે તેને પણ ખતમ કરી દીધી છે. તેણે એક પોસ્ટ કરતા કહ્યું છે કે હવે માત્ર એક્સ હશે.

ઈલોન મસ્કની આ પોસ્ટ બાદ x.com પર ગયા બાદ એક મેસેજ મળી રહ્યો છે જેમાં લખેલું છે કે Twitter.comને ટૂંક સમયમાં x.com પર રીડાયરેક્ટ કરવામાં આવી રહ્યું છે. થોડા દિવસ બાદ Twitter.com ઓપન જ થશે નહીં. આ મેસેજની સાથે એ પણ લખેલું છે કે માત્ર યુઆરએલ બદલાયેલી છે અને પ્રાઈવસી અને ડેટા પ્રોટેક્શન પહેલા જેવું જ છે.

વર્ષ 2022માં જ્યારે ઈલોન મસ્કે ટ્વીટરને ખરીદ્યુ તો તે બાદ તેણે તેનું નામ બદલીને એક્સ કર્યું અને ટ્વીટનું નામ પોસ્ટ કરી દેવાયું. આ સિવાય માલિક બન્યા બાદ ઈલોને બ્લૂ સર્વિસ લોન્ચ કરી. જે હેઠળ રૂપિયા લઈને લોકોને બ્લૂ ટિક આપવામાં આવ્યા.

ઈલોન મસ્ક એક્સના ટીવી એપ પર પણ કામ કરી રહ્યા છે. એક્સની ટીવી એપ આવ્યા બાદ તેની ટક્કર યુટ્યૂબ સાથે થશે. ટીવી એપ લોન્ચ થયા બાદ એક્સના યુઝર્સ ટીવી પર પણ એક્સને એક્સેસ કરી શકશે. ઈલોન મસ્ક વીડિયો પર પણ ઝડપથી કામ કરી રહ્યાં છે. ટીવી એપ પર મોટાભાગે કન્ટેન્ટ વીડિયોના જ હશે.

મોરબીના ઉદ્યોગપતિએ દેશનો પ્રથમ બાયો સીએનજી પ્લાન્ટ કાર્યરત કર્યો

મોરબીના યુવા ઉદ્યોગપતિ દ્વારા ન માત્ર ગુજરાત પરંતુ ભારતનો સૌ પ્રથમ બાયો સીએનજી પ્લાન્ટ કાર્યરત કરવામાં આવેલ છે અને સુરેન્દ્રનગર જિલ્લાના ધાંગધ્રાના દુદાપુર ખાતે 125 કરોડના ખર્ચે આ પ્લાન્ટ શરૂ કરવામાં આવેલ છે જેમાં ગાંડા બાવળ, ગોબર અને ખેતીમાં બિન ઉપયોગી કચરાનો ઉપયોગી કરીને તેમાંથી સીએનજી ગેસનું ઉત્પાદન કરવામાં આવશે.

ધાંગધ્રાના દુદાપુર ખાતે ભારત તથા ગુજરાતનો સૌપ્રથમ બાયો સીએનજી પ્લાન્ટ નેપિયર ગ્રાસ તથા ગાયના છાણ આધારિત બાયોગેસ પ્લાન્ટની શરૂઆત કરવામાં આવી છે અને ભારતમાં નેપિયર ગ્રાસનો ઉપયોગ કરીને ગ્રાઉન્ડ બ્રેકિંગ બાયોગેસ ટેકનોલોજી અને પ્રોસેસ સિસ્ટમ્સ રિન્યુએબલ એનર્જી સેક્ટરમાં ક્રાંતિ લાવશે અત્યાધુનિક બાયોગેસ પ્લાન્ટના અનાવરણ સાથે ઐતિહાસિક સિદ્ધિને મેળવેલ છે નેપિયર ગ્રાસને પ્રાથમિક સબસ્ટ્રેટ તરીકે પાયોનિયરીંગ કરીને તેમના બાયો-સીએનજી પ્લાન્ટને ચાલુ કરવામાં આવ્યો છે

ભારતના પ્રથમ બાયો-સીએનજી પ્લાન્ટ તરીકે નેપિયર ગ્રાસ, જે તેની ઝડપી વૃદ્ધિ અને ઉચ્ચ બાયોમાસ માટે જાણીતું છે તે તે બાયોગેસ ઉત્પાદન માટે શ્રેષ્ઠ ફીડસ્ટોક તરીકે ઉભરી આવે છે. આ પ્રોજેક્ટ બાયો ફ્યુઅલ, બાયો કેમિકલ્સ અને બાયો ફર્ટિલાઇઝર્સના ઉત્પાદન દ્વારા વેસ્ટ-ટુ-વેલ્થ કન્વર્ઝન અને પર્યાવરણીય સંરક્ષણ તરફની સફરમાં નોંધપાત્ર સીમાચિહ્ન રૂપ છે.

ઇ ઉત્પાદિત બાયો-સીએનજી ભારત પેટ્રોલિયમ કોર્પોરેશન લિમિટેડ (બીપીસીએલ) ના સહયોગથી કોમ્પ્રેસ્ડ બાયોગેસ વડે વાહનોને ભરવાની સુવિધા આપશે, જેનાથી ભારત સરકારની નીતિને ટેકો મળશે. આ નવીનતા અપ્રતિમ મિથેન વેલ્ડ અને ક્ધવર્ઝન રેશિયો સાથે વિપુલ પ્રમાણમાં નેપિયર ગ્રાસને બાયોગેસમાં રૂપાંતરિત કરવાની સુવિધા આપે છે.

પરિણામી બાયોગેસ એક શક્તિશાળી, સ્વચ્છ અને નવીનીકરણીય ઉર્જા સ્ત્રોત તરીકે સેવા આપે છે.

આ પ્લાન્ટના માધ્યમથી જૈવિક ખાતર સ્થાનિક ખેડૂતોને ઉચ્ચ ગુણવત્તાવાળા ખાતરનો ફાયદો પણ થશે અને પ્લાન્ટના માધ્યમથી ગૌશાળાઓ માટે ગોબર વેચાણ દ્વારા આવકનો સ્ત્રોત પણ ઉભો થશે બાયોગેસ ઉત્પાદન ઉપરાંત ઘન અને પ્રવાહી જૈવિક ખાતર ઉત્પન્ન કરવાથી છોડને પોષણ યુક્ત ખોરાક અને કૃષિનું ટકાઉ પણું ઉપરાંત ગ્રામીણ વિકાસ અને પ્રોત્સાહન મળવાથી ખેડૂતોની આંશિક સ્થિતિમાં પણ સુધારો લાવશે. દુદાપુર ગામે ગુજરાત તેમજ ભારતનો સૌપ્રથમ બાયોગેસ પ્લાન્ટનો પ્રારંભ કરવામાં આવ્યો છે તેવી કેમ પ્રોસેસ સિસ્ટમ ના ડાયરેક્ટર અને મોરબીના યુવા ઉદ્યોગપતિ જિજ્ઞેશભાઈ મેથાણીયાએ જણાવ્યુ હતું.

LATEST NEWS

error: Content is protected !!