Home Blog Page 2

કુદરત સાથે છેડછાડની સજા મળી : દુબઈમાં કોહરામ બાદ આ દેશોમાં મચ્યો ફફડાટ

દુબઈ એક એવું શહેર કે જ્યાં એક વખત જવાનું સૌ કોઈનું સ્વપ્ન હોય છે. દુબઈની ચકાચૌંધ અને ત્યાંનું નવાબી જીવન દુનિયાના તમામ લોકોને આકર્ષે છે. પરંતુ કહેવાય છે કે કોઈ પણ શક્તિ, ગમે તેવી તાકત કે પછી અબજો રૂપિયા કુદરત પાસે નક્કામા છે. દુનિયાના સૌથી ધનિક દેશોની યાદીમાં અવ્વલ રહેતા UAEની હાલત કુદરતે માત્ર 2 જ દિવસમાં બદલી નાંખી છે. આ એ જ દુબઈ શહેર છે, જયાં રસ્તા પર કરોડોના કિંમતની મોંધીદાટ કારો દોડતી હોય છે. પરંતુ છેલ્લા બે દિવસમાં આવેલા અનરાધાર વરસાદે દુબઈની તસવીર બદલી નાંખી છે.

રણવિસ્તારમાં વસેલા શહેર પર આકાશમાંથી એટલો વરસાદ વરસ્યો કે જ્યાં જુઓ ત્યાં બસ જળબંબાકારની સ્થિતિ થઈ ગઈ. દુબઈનું એરપોર્ટ કે પછી મોલ હોય. મેટ્રો સ્ટેશન હોય કે પછી શહેરના રસ્તા હોય. દરેક જગ્યા કુદરતના પ્રકોપથી અછૂતી ન રહી… હાલ તો સૌથી મોટો સવાલ એ છે કે દુબઈ જેવા શહેરની આવી હાલત થઈ કેવી રીતે? એવું તો શું થયું કે કુદરત કોપાયમાન થઈ અને પોતાનું રૌદ્ર સ્વરૂપ બતાવવા માટે મજબૂર બની? દુબઈની આ હાલત માટે ખુદ માનવી જ જવાબદાર છે. કહેવાય છે કે ને કુદરત સાથે છેડછાડ ક્યારેક મોટી આફતને નોંતરી શકે છે. દુબઈ સાથે પણ કંઈક આવું જ થયું.

દુબઈમાં આવું કેમ થયુ તેની વાત કરી તો,

ક્લાઉડ સીડિંગ દુબઈ માટે બન્યું આફત

ક્લાઉડ સીડિંગ એટલે માનવસર્જિત વરસાદ

સોમવાર અને મંગળવારે કરાયું હતુ ક્લાઉડ સીડિંગ

ક્લાઉડ સીડિંગમાં ગરબડ થયાની છે આશંકા

ક્લાઉડ સીડિંગમાં ગરબડથી મૂશળધાર વરસાદ થયો

જળવાયુ પરિવર્તન વચ્ચે UAE સરકારની મોટી લાપરવાહી

જીહાં, UAE સરકાર માનવસર્જીત વરસાદ વરસાવવા માટે ક્લાઉડ સીડિંગ કરાવ્યુ હતું. જેમાં માનવી ભૂલના કારણે વાતાવરણમાં ગરબડ ઉભી થઈ ગઈ. જેના કારણે રણવિસ્તારમાં વસેલા દુબઈમાં 16 એપ્રિલે અચાનક વીજળીઓ કડકવા લાગી. લોકો કઈ સમજે તે પહેલાં જ ભારે પવન ફૂંકાવા લાગ્યો અને ચારેબાજુ ગાઢ અંધકાર છવાઈ ગયો. કુદરત સાથે છેડછાડની જાણે સજા મળી હોય તેમ થોડી જ વારમાં આકાશમાંથી એટલો વરસાદ થયો કે જ્યાં જુઓ ત્યાં જળ બંબાકારની સ્થિતિ જોવા મળી…. દુબઈ ઈન્ટરનેશનલ એરપોર્ટ પર 24 કલાકમાં સાડા 6 ઈંચ કરતાં વધારે વરસાદ વરસ્યો…. જેના કારણે દુબઈ એરપોર્ટનો રન-વે જળમગ્ન થઈ ગયો છે… જ્યાં મોટા-મોટા વિમાન હોડીની જેમ તરતા જોવા મળ્યા….

માત્ર એરપોર્ટ જ નહીં, દુબઈના રસ્તા, મેટ્રો સ્ટેશન કે પછી મોલ પણ પાણીમાં ડૂબવા લાગ્યા હતા. દુબઈમાં પાણીની અછત રહેતી હોય છે. એટલે જ સરકારે કૃત્રિમ વરસાદનો સહારો લીધો હતો. પરંતુ સરકારે સપનામાં પણ નહીં વિચાર્યું હોય કે એક ભૂલના કારણે દુબઈના આવા હાલ થઈ જશે. ત્યારે ક્લાઉડ સીડિંગના કારણે પેદા થયેલા વાદળો ઓમાન, દુબઈ થઈને હવે છેક પાકિસ્તાનના કરાંચી સુધી પહોંચ્યા છે. ત્યારે હવે પાકિસ્તાનની સરકાર ચિંતામાં છે કે જો દુબઈ જેવો વરસાદ ત્યાં થયો તો પાકિસ્તાનના શું હાલ થશે…

રશિયામાંથી ‘સસ્તા ભાવના ક્રૂડ’નો મોટો ફાયદો: ભારતના તેલ-ગેસ આયાતનું બીલ 16 ટકા ઘટ્યું

ક્રૂડ તેલની 35 ટકા આયાત માત્ર રશિયાથી થઇ: તેલ-ગેસનું કુલ ઇમ્પોર્ટ બીલ 144.2 અબજ ડોલરથી ઘટીને 121.6 અબજ ડોલર

દેશમાં ક્રૂડ ઓઇલની આયાત -2023-24માં 16 ટકા ઘટી હતી, પરંતુ તેમ છતાં આયાત પરની નિર્ભરતા નવી ટોચ પર પહોંચી છે. પેટ્રોલીયમ મંત્રાલયના પેટ્રોલીયમ પ્લાનિંગ એન્ડ એનાલિસીસ સેલ  (PPAC)ના ડેટા અનુસાર વર્ષ 2023-24માં દેશમાં કુલ 23.25 કરોડ ટન ક્રૂડ ઓઇલની આયાત થઇ હતી, જેમાંથી પેટ્રોલ અને ડીઝલ સહિતના ફ્યુઅલનું ઉત્પાદન થાય છે. ક્રૂડ ઓઇલની આયાતનું બિલ 132.4 અબજ ડોલર થયું હતું. અગાઉના વર્ષે પણ ઓલમોસ્ટ આટલી જ આયાત થઇ હતી પરંતુ બિલ 157.5 અબજ ડોલર થયું હતું.

સ્થાનિક ઉત્પાદન ખાસ વધ્યું ન હોવાથી આયાત કરાતા ક્રુડ ઓઇલ પરની નિર્ભરતા વધી છે. 2023-24માં આયાત પરની નિર્ભરતા વધીને 87.7 ટકા થઇ છે, જે અગાઉના વર્ષે 87.4 ટકા હતી. સ્થાનિક ક્રૂડ ઓઇલ ઉત્પાદન 2.95 કરોડ ટન રહ્યું હતું, જે ઓલમોસ્ટ અગાઉના વર્ષ જેટલું જ રહ્યું હતું.

ક્રુડ ઓઇલના ભાવમાં ભારે વોલેટિલિટી છતાં ગત સમગ્ર વર્ષ દરમ્યાન ભારતે રશિયા પાસેથી સસ્તા ભાવે ઓઇલ મેળવ્યું જેને કારણે વોલ્યૂમની દ્રષ્ટિએ ક્રૂડ ઓઇલની આયાત અગાઉના વર્ષ જેટલી હોવા છતાં આયાત બિલ ઘટયું હતું. એનર્જી કાર્ગો ટ્રેકર વોર્ટેક્સાના ડેટા અનુસાર 2023-24માં રશિયામાંથી આયાત થતાં ઓઇલની ટકાવારી 35 ટકા થઇ હતી, જે અગાઉના વર્ષે 23 ટકા હતી.

ક્રૂડ ઓઇલ ઉપરાંત ભારતે એલપીજી જેવી પેટ્રોલિયમ પ્રોડક્ટ્સની 4.81 કરોડ ટનની આયાત પાછળ 23.4 અબજ ડોલરનો ખર્ચ કર્યો હતો. એલએનજી એટલે કે લિક્વિફાઇડ નેચરલ ગેસની પણ ભારત આયાત કરે છે. ગત વર્ષે 30.91 બિલિયન ક્યુબિલ મીટર ગેસની આયાત પાછળ 13.3 અબજ ડોલરનો ખર્ચ થયો હતો. 2022-23માં 26.3 બિલિયન ક્યુબિલ મીટર ગેસની આયાત પાછળ 17.1 અબજ ડોલરનો ખર્ચ થયો હતો. રશિયા-યુક્રેન યુદ્ધ ફાટી નીકળતા તે સમયે ભાવ ખાસ્સા વધી ગયા હતા.

જો કે આ સાથે જ દેશમાંથી પેટ્રોલિયમ પ્રોડક્ટ્સની 6.22 કરોડ ટનની નિકાસમાંથી 47.4 અબજ ડોલરની આવક પણ થઇ હતી. ઓઇલ અને ગેસની આયાતનું નેટ બિલ 2023-24માં 121.6 અબજ ડોલર થયું હતું, જે અગાઉના વર્ષે 144.2 અબજ ડોલર હતું.

 મૂલ્યની દ્રષ્ટિએ દેશની કુલ આયાતમાં પેટ્રોલિયમ પ્રોડક્ટ્સની આયાત 2023-24માં 25.1 ટકા રહી હતી જે 2022-23માં 28.2 ટકા હતી. એ જ રીતે પેટ્રોલીયમ પ્રોડક્ટ્સની નિકાસ દેશની કુલ નિકાસના 12 ટકા રહી હતી, જે અગાઉના વર્ષે 14 ટકા હતી.

દેશમાં ફ્યૂઅલ (ઇંધણ)નો વપરાશ 2023-24માં 4.6 ટકા વધીને 23.33 કરોડ ટન થયો હતો. 2022-23માં ઇંધણનો વપરાશ 22.3 કરોડ ટન હતો. 2021-22માં વપરાશ 20.17 કરોડ ટન હતો. દેશમાં ક્રૂડ ઓઇલ ઉત્પાદન ખૂબ જ સીમિત છે, પરંતુ રિફાઇનિંગ કેપેસિટ સરપ્લસ છે. આથી ડીઝલ જેવી પેટ્રોલિયમ પ્રોડક્ટ્સની નિકાસ શક્ય બને છે. પીપીએસીના ડેટા અનુસાર 2023-24માં 23.33 કરોડ ટન ઇંધણના વપરાશ સામે ઉત્પાદન 27.61 કરોડ ટન થયું હતું.

ગુજરાતમાં કાળઝાળ ગરમીથી લોકો ત્રાહિમામ, હજુ આટલા દિવસ સહન કરવું પડશે

ગુજરાતમાં અત્યારે કાળઝાળ ગરમીથી લોકો ત્રાહિમામ પોકારી ઉઠ્યા છે. બુધવારે ગુજરાતમાં મોટા ભાગના વિસ્તારોમાં તાપમાન 42થી 44 ડિગ્રી જેટલું રહ્યું હતું. લોકો રીતસરના અગનભઠ્ઠીમાં શેકાતા હોય તેવો અનુભવ થઇ રહ્યો હતો. હવામાન વિભાગના કહેવા મુજબ હજુ 2 દિવસ લોકોએ આ અગનભઠ્ઠીમાં શેકાવું પડશે.

ગુજરાતમાં અત્યારે જે સખત ગરમી પડી રહી છે તેનું કારણ એવું છે કે, એન્ટી સાઇક્લોનિક સરક્યુલેશનને કારણે બુધવારે પવનની દિશા બદલાઇ હતી. ઉત્તરથી ઉત્તર-પૂર્વના ગરમ પવનો શરૂ થયા અને તેની સાથે વાતાવરણમાં નીચલા લેવલે એક એન્ટી સાઇક્લોનિક સરક્યુલેશન સક્રીય હતું, જેને કારણે ગરમ પવનો સીધા જમીન પર આવી ગયા. ગુજરાતમાં સૌથી વધારે તાપમાન અમરેલીમાં 44 ડિગ્રી નોંધાયું છે. પોરબંદર, જુનાગઢ, ભાવનગરમાં સિવિયર હીટવેવની આગાહી છે.

બાળકોને સેરેલેક ખવડાવતા હોય તો સાવધાન! નેસ્લેના આ કાંડથી બાળકોને જીવનું જોખમ

સેરેલેક (Cerelac) જેવી પ્રખ્યાત બેબી ફૂડ મેન્યુફેક્ચરિંગ કંપની નેસ્લે ધોરણ શું છે? ભારતીય બાળકો સાથે કેવા પ્રકારના બેવડા ધોરણો અપનાવે છે તે એક રિપોર્ટમાં બહાર આવ્યું છે. રિપોર્ટ કહે છે કે, નેસ્લે ભારતમાં વેચાતા સેરેલેક જેવા ઉત્પાદનોમાં ખાંડ ઉમેરે છે, જ્યારે યુરોપિયન દેશોમાં ગુણવત્તાયુક્ત ઉત્પાદનો ખાંડ વિના વેચાય છે.

મેગી મેન્યુફેક્ચરિંગ કંપની નેસ્લે વિરુદ્ધ ઘણીવાર નેગેટિવ રિપોર્ટ્સ આવે છે. આ વખતે કંપનીની ફેમસ બેબી ફૂડ પ્રોડક્ટ સેરેલેકને લઈને એક ચોંકાવનારો ખુલાસો થયો છે. રિપોર્ટમાં કહેવામાં આવ્યું છે કે, કંપની યુરોપિયન દેશોમાં ગુણવત્તાયુક્ત ઉત્પાદનો વેચે છે, જ્યારે તે ભારત જેવા વિકાસશીલ દેશોમાં હલકી ગુણવત્તાવાળા ઉત્પાદનોનું વેચાણ કરે છે. તે પણ, એવા ઉત્પાદનો કે જે તમારા બાળકોના જીવ સાથે ખેલે છે.

ઈન્ટરનેશનલ બેબી ફૂડ એક્શન નેટવર્ક (IBFAN) અને પબ્લિક આઈ જેવી વૈશ્વિક સંસ્થાઓએ નેસ્લેની બેબી ફૂડ પ્રોડક્ટ સેરેલેક અને મિલ્ક પ્રોડક્ટ નિડોના લેબ ટેસ્ટિંગ બાદ આ રિપોર્ટ જાહેર કર્યો છે. એવું કહેવાય છે કે, કંપની ભારત, લેટિન અમેરિકા અને આફ્રિકન દેશોમાં વેચાતા તેના ઉત્પાદનોમાં હાઈ શુગર ઉમેરે છે. રિપોર્ટમાં કંપની પર બેવડા ધોરણો અપનાવવાનો અને બાળકોના સ્વાસ્થ્ય સાથે રમત કરવાનો આરોપ પણ લગાવવામાં આવ્યો છે.

પબ્લિક આઈ અને IBFAN એ કંપનીની 150 પ્રોડક્ટ્સ તપાસ માટે મોકલી હતી. એવું કહેવામાં આવ્યું હતું કે, નવજાત શિશુઓ માટે સેરેલેક જેવા ઉત્પાદનોમાં એક ચમચી દીઠ 4 ગ્રામ ખાંડ હોય છે, જે એક સુગર ક્યુબ જેટલી હોય છે. ફિલિપાઈન્સમાં વેચાતી પ્રોડક્ટમાં, 6 મહિનાના બાળક માટે સેરેલેકમાં સેવા દીઠ 7.5 ગ્રામ ખાંડ હોય છે, એટલે કે એકવાર ખવડાવવા માટે પૂરતી છે.

નેસ્લેની દ્વિગુણિતતા એ હકીકત પરથી સમજી શકાય છે કે, સ્વિટ્ઝર્લેન્ડ અને યુરોપના અન્ય મુખ્ય બજારોમાં, કંપની ખાંડ ઉમેર્યા વિના સમાન ઉત્પાદન વેચે છે, જે તેનું વૈશ્વિક ધોરણ છે. સ્વાભાવિક છે કે, કંપનીની નજરમાં ભારત, આફ્રિકા અને લેટિન અમેરિકન દેશોના બાળકો યુરોપિયન દેશોના બાળકો જેટલા મૂલ્યવાન નથી.

બાળરોગ અને પોષણ નિષ્ણાતનું કહેવું છે કે, નેસ્લેનું બેવડું વલણ માત્ર સ્વાસ્થ્યનું જ નહીં, પરંતુ બજારની નીતિશાસ્ત્રનું પણ ઉલ્લંઘન છે. ડબ્લ્યુએચઓ એ પણ કહે છે કે, જો બાળકોને પ્રારંભિક તબક્કે હાઈ સુગરની પ્રોડક્ટ્સ આપવામાં આવે છે, તો તેમને સ્થૂળતા અને અન્ય ગંભીર રોગોનું જોખમ હોઈ શકે છે. સંયુક્ત રાષ્ટ્રની એજન્સીઓએ પણ 2022 થી બાળકોના ઉત્પાદનોમાં ખાંડ ઉમેરવા પર પ્રતિબંધ મૂક્યો હતો.

નેસ્લે વિશ્વના બેબી ફૂડ માર્કેટના 20 ટકા હિસ્સાને નિયંત્રિત કરે છે અને તેનું ટર્નઓવર $70 બિલિયન (આશરે રૂ. 6 લાખ કરોડ) છે. કંપનીએ વર્ષ 2022માં જ વિશ્વભરમાં $2.5 બિલિયનના મૂલ્યના સેરેલેક અને નિડો ઉત્પાદનોનું વેચાણ કર્યું હતું. કંપનીની પ્રોડક્ટને વિકાસશીલ દેશોમાં પણ ઘણી પસંદ કરવામાં આવે છે, પરંતુ તાજેતરના રિપોર્ટમાં તેના બેવડા ધોરણોને કારણે ગ્રાહકોને મોટો આંચકો લાગ્યો છે.

મોરબીમાં વિહીપ-બજરંગદળ દ્વારા હનુમાન જયંતિ સુધી વિવિધ ધાર્મિક કાર્યક્રમો યોજાશે

શ્રી રામ નવમીના ઉત્સવના સંદર્ભમાં વિશ્ર્વ હિન્દુ પરિષદ, બજરંગ દળ, દુર્ગાવાહીની સહૂત તમામ હિન્દુ સંગઠનો દ્વારા મોરબી જિલ્લા અને મોરબી પ્રખંડના જવાબદાર વ્યકિતઓ દ્વારા 10 દિવસ સુધી એટલે કે તા.13-4 થી 23-4 હનુમાન જયંતિ સુધી મોરબી શહેરના અલગ અલગ વિસ્તારોના મંદિરોમાં રામોત્સવ ઉજવાઈ રહ્યો છે.જેમાં મોરબીની આસપાસના મંદિરો ખાતે મહાઆરતી તેમજ ત્યાંના લોકો સાથે પરિચય તથા સત્સંગના કાર્યક્રમ ચાલી રહ્યા છે. ઉપસ્થિત ભક્તોને વિહીપ વિશેની માહિતી આપીને તથા લોકોને પરિષદ તથા પરિષદના કાર્યોમા સહભાગી થવા પ્રેરણા આપી રહ્યા છે.

વિહીપ અને બજરંગદળના તમામ કાર્યકર બંધુ-ભગીનીઓ સર્વ સનાતની હિંદુ સંગઠન મોરબી દ્વારા જે રામ ભગવાનની ભવ્ય વિજય યાત્રા નીકળવા જઈ રહી છે. તેમાં બહોળી સંખ્યામાં જોડાશે.સાથે મોરબીના તમામ હિંદુ સનાતની ભાઈઓ-બહેનો પણ શોભીયાત્રામાં  જોડાય તેવી વીહીપ દ્રારા અપીલ કરવામાં આવી હતી.

LATEST NEWS

error: Content is protected !!