60 કાચા-પાકા મકાનો અને દુકાનોનું ડિમોલિશન કરાયું
(દિવ્યક્રાંતિ ન્યુઝ) તા.17-02-2022મોરબીના સીરામીક ઝોન ગણાતા પીપળી જેતપર રોડને ફોરટ્રેક બનાવવા માટે અડચણરૂૂપ દબાણો દૂર કરવાની કાર્યવાહી હાથ ધરવામાં આવી હતી. જેમાં માર્ગ અને મકાન વિભાગે પવાડીયારીથી બેલા સુધીમાં 60 જેટલા કાચા-પાકા મકાનો અને દુકાનો પર ડીમોલેશન કરીને દબાણો દૂર કરી દીધા હતા.
મોરબીના પીપળી જેતપર રોડને આખરે ફોરટ્રેક બનાવવાની સરકારી મંજૂરી મળી જતા માર્ગ અને મકાન વિભાગ દ્વારા આ રોડને ફોરટ્રેક બનાવવાની ગતિવિધિઓ તેજ કરી દેવામાં આવી હતી. જો કે પીપળી અને જેતપર રોડને ફોરટ્રેક બનાવવા માટે ત્યાં વર્ષોથી
ગેરકાયદે ખડકાયેલા કાચા-પાકા દબાણો અડચણરૂૂપ હોવાથી મોરબી માર્ગ અને મકાન વિભાગના અધિકારી હિતેશ આદ્રોજા સહિતના દ્વારા આ રોડ પરના દબાણો હટાવવા માટે ડીમોલેશનની કાર્યવાહી હાથ ધરી હતી.