પહેલા લોકો કોલ કરીને IVR દ્વારા ગેસ સિલિન્ડર બુક કરાવી લેતા હતા, હાલમાં પણ આ સુવિધા યથાવત છે ડિજિટલ યુગમાં ગેસ સિલિન્ડર બુકિંગ સર્વિસને સરળ અને ઝડપી બનાવવાના પ્રયત્ન કરવામાં આવી રહ્યા છે
દેશમાં મોટાભાગના લોકો ઘરે રાંધણ માટે ગેસ સિલિન્ડરનો ઉપયોગ કરી રહ્યા છે. ગેસ સિલિન્ડરનો દેશભરમાં બહોળો ઉપયોગ થતો જોઇ આ સંદર્ભે જોડાયેલી કેટલીક સેવાઓને સરળ બનાવવાના ખાસ પ્રયત્ન કરવામાં આવી રહ્યા છે. આજકાલ પહેલાની જેમ ગેસ એજન્સી પર જઇને સિલિન્ડર બુકિંગ કરાવવો પડતો નથી. લોકોએ હવે સ્માર્ટફોનની મદદથી ઘરે રહીને કે કોઇપણ સ્થાનેથી ગેસ બુકિંગ કરાવી રહ્યા છે. આ પહેલા એવી સુવિધા હતી કે, લોકો રાંધણ ગેસ સિલિન્ડર કોલ કરીને IVR થકી બુક કરાવી લેતાં હતા. જોકે આ સેવા હજુ પણ યથાવત છે અને લોકો એનો ઉપયોગ કરી રહ્યા છે.
રાંધણ ગેસ બુકિંગ સર્વિસને હવે વધુ સરળ અને ઝડપી બનાવવામાં આવી છે. મેસેજિંગ એપ WhatsApp પરથી પણ ગેસ બુકિંગની સેવા શરુ કરવામાં આવી છે. હવે આ ડિજિટલ યુગમાં કહી શકાય કે, પહેલાની સરખામણીએ ગેસ બુક કરાવવો વધુ સરળ અને ઝડપી બની ગયું છે. જોકે મેસેજિંગ એપ WhatsApp પરથી ગેસ બુકિંગ કરવું એકદમ સરળ બની ગયું છે.
જો તમે Indane કંપનીના ગ્રાહક છો તો LPG ગેસ સિલિન્ડર બુકિંગ માટે 7718955555 નંબર પર કોલ કરી શકો છો અને જો WhatsApp પરથી સિલિન્ડર બુક કરાવવા ઇચ્છો છો તો, આ માટે WhatsApp પર REFILL લખીને 7588888824 પર મેસેજ કરવાનો રહેશે. આ સર્વિસ માટે ગેસ એજન્સીમાં કરાયેલા રજિસ્ટર્ડ નંબરનો જ ઉપયોગ કરવાનો રહેશે.
જો તમે HP GAS કંપનીના ગ્રાહક છો તો LPG ગેસ સિલિન્ડર બુક કરાવવા માટે 9222201122 નંબર પર કોલ કરવાનો રહેશે. WhatsApp પરથી ગેસ સિલિન્ડર બુક કરાવવા માટે BOOK લખીને 9222201122 નંબર પર વોટ્સએપ મેસેજ કરવાનો રહેશે. HPના ગ્રાહકોએ ખાસ ધ્યાન રાખવાનું રહેશે કે WhatsApp પર બુકિંગ માટે એજન્સીમાં રજિસ્ટર્ડ કરાવેલા નંબરનો જ ઉપયોગ કરવાનો રહેશે. અહીં સબસિડી વિશે પણ માહિતી મળી જશે.
જો તમે ભારત કંપનીના ગ્રાહક છો તો એલપીજી ગેસ સિલિન્ડર બુક કરાવવા માટે 1800224344 નંબર પર કોલ કરવાનો રહેશે અને 1 દબાવીને ગેસ સિલિન્ડર બુક કરાવી શકશો. તમારી બુકિંગ રિક્વેસ્ટ સ્વીકાર્યા પછી WhatsApp પર એલર્ટ મળી જશે.
