OLXના હાલના સર્વેમાં એવું જાણવા મળ્યું છે કે પ્રી-ઑન્ડ (pre-owned) એટલે કે સેકન્ડ હેન્ડ સ્માર્ટફોન બજારમાં ભારતીય ગ્રાહકો iPhoneને સૌથી વધુ ઈચ્છા ધરાવતા સ્માર્ટફોન તરીકે જુએ છે. ત્યારબાદ Xiaomi અને Samsungનું નામ આવે છે.
વર્ષ 2020 માટે કરાયેલા સર્વેમાં સ્માર્ટફોન્સની કુલ માગમાં સૌથી મોટો હિસ્સો એપ્પલ iPhonesનો રહ્યો જ્યારે બાકીનો હિસ્સો Xiaomi, Samsung, Vivo, Oppo, Realme અને OnePlus જેવી લોકપ્રિય બ્રાન્ડમાં વહેંચાયેલો હતો. પરંતુ, OLXએ હજુ એવી ચોક્કસ જાણકારી આપી નથી કે કયા iPhone મૉડલની સૌથી વધારે ડિમાન્ડ છે.
પ્રી-ઓન્ડ (pre-owned) બજારમાં iPhonesનું સૌથી વધારે મૂલ્ય છે
પ્રી-ઓન્ડ બજારમાં iPhone રેન્કિંગ હાઈ ડિમાન્ડમાં છે, આ કોઈ આશ્ચર્યની વાત નથી. કેટલાંક મહિના પહેલા એપ્પલે જાહેરાત કરી હતી કે તેઓ પોતાના 6 વર્ષ પ્રી-ઓન્ડ iPhone 6S અને iPhone 6S Plus માટે લેટેસ્ટ iOS 15 અપડેટ જાહેર કરશે. આ સિવાય ફર્સ્ટ જનરેશન iPhone SEએ પણ આ વર્ષે લિસ્ટમાં જગ્યા બનાવી છે. iPhone 7, iPhone 8, iPhone XR અને નવા iPhone SE જેવા મૉડલ તે ખરીદદારો માટે ખૂબ મહત્વપૂર્ણ છે કે જેઓ વધુ સારા એન્ડ્રોઈડ ફોન પર વિચાર કરી શકે છે.
10-20 હજારના ફોનની સૌથી વધારે ડિમાન્ડ
OLXએ કહ્યું- સૌથી વધારે પ્રતિસ્પર્ધી બ્રાન્ડ 10 હજાર રૂપિયાથી ઓછી અને 10 હજારથી 20 હજાર રૂપિયાની વચ્ચે છે, જે OLX પર મોબાઈલ ફોનની કુલ માગના લગભગ 80 ટકા છે. જ્યારે એપ્પલ આઈફોનની માગ ટિયર (Tier) 1 શહેરોમાં સૌથી વધારે 34 ટકા છે. બીબીકે ઈલેક્ટ્રોનિક્સ પોર્ટફોલિયો બ્રાન્ડ- વનપ્લસ, વીવો, ઓપ્પો અને રિયલમી ટિયર 2 અને 3 શહેરોમાં ગ્રાહકોમાં સૌથી વધુ લોકપ્રિય છે. જે કુલ સ્માર્ટફોનની ડિમાન્ડમાં 63 ટકા યોગદાન આપે છે.
કોરોના વાયરસના પ્રતિબંધો, કામ, અભ્યાસ, ખરીદદારી, વિશેષરીતે વિડીયોના માધ્યમથી સંપર્કમાં રહેવાની પ્રતિક્રિયામાં ગ્રાહકોને ઓનલાઈન રહેવાની સાથે-સાથે, તમામ લોકોને ઓનલાઈન સ્થળાંતરિત કર્યા છે. દરેક ભારતીયો હવે સ્માર્ટફોન રાખવાની ઈચ્છા રાખે છે. OLX ઈન્ડિયાના સીઈઓએ કહ્યું કે ટિયર 3 શહેરના ગ્રાહકો માગનું નેતૃત્વ કરી રહ્યા છે જે એક ખૂબ હકારાત્મક ડેવલપમેન્ટ છે.
