સુત્રોએ કહ્યું કે આરોગ્ય સ્ટાફને પણ વારાફરતી રસી આપવાની થાય છે. અગ્રતા ક્રમનું લીસ્ટ તૈયાર છે. હોસ્પીટલોમાં સ્ટાફ મૌજુદ હોવાથી રસીકરણને અસર થવાની શકયતા નથી. પંચાયત કર્મચારીઓનો વારો આવે અને તેઓની હડતાલ ચાલુ હોય તો વિકલ્પમાં અન્ય સરકારી કે ખાનગી આરોગ્ય ર્ક્મચારીઓનો વારો લઈ લેવામાં આવે અને પંચાયતનાં આરોગ્ય કર્મચારીઓને હડતાળ ખત્મ થયા બાદ રસી આપવામાં આવશે. પ્રારંભીક રસીકરણમાં સરકારી-ખાનગી ક્ષેત્રનાં 8000 કર્મચારીઓને રસી મુકાવાની થાય છે. એટલે પ્રારંભિક તબકકે કોઈ વાંધો આવે તેમ નથી. આરોગ્ય સ્ટાફને રસી આપવાનું શિડયુલ પૂર્ણ થયા બાદ બુથ લેવલે રસીકરણ શરૂ થાય ત્યારે પણ હડતાળ ચાલુ રહેવાના સંજોગોમાં રસીકરણને અસર થઈ શકે તેમ છે.
હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો
