મોરબી: સંજસમાચારના પત્રકારના માસીનું ડોક્ટરોની ઘોર બેદરકારીથી મોત

September 10, 2020

“મને અહીંથી લઇ જા, નહિ તો આ લોકો મને મારી નાખશે: માતાએ પુત્ર પાસે આજીજી કરી હતી

10:30 વાગ્યે સ્વસ્થ હતા, 30 મિનિટમાં જ મોત!! મૃત્યુ પહેલા પુત્ર સાથે ફોન પર થયેલ વાતમાં માતાએ કહયું “બેટા મને અહીંથી લઇ જા, આ લોકો મને મારી નાખશે”

(દિવ્યક્રાંતિ ન્યુઝ) તા.10-09

શહેરમાં કોરોનના કેસો સતત વધી રહ્યા છે. તો બીજી બાજુ સિવિલ હોસ્પિટલના કમ્પાઉન્ડમાં આવેલી કોવીડ-19 હોસ્પિટલમાં બેદરકારીના કિસ્સાઓ પણ છાશવારે સામે આવી રહ્યા છે ત્યારે બુધવારે આવા કિસ્સાઓમાં વધુ એકનો ઉમેરો થયો હતો. કોરોના પોઝિટિવ જાહેર થયેલા એક મહિલાના ભોજનનું પૂરતું ધ્યાન રાખવામાં ન આવતા આજે સવારે દમ તોડી દીધો હતો. છેલ્લે મહિલાએ પુત્રને “મને અહીંથી લઇ જા, આ લોકો મને મારી નાખશે” ની ફોન પર આજીજી કરી હતી. જે પછી મહિલાએ અંતિમ શ્વાસ લેતા પહેલા પરિવારજનો આઘાતમાં ગરક થઇ ગયા હતા. આ કમકમાટી ભરેલી ઘટનાની વિગત એવી છે કે જેતપુરના કાઠીમાં રહેતા મમતાબેન ચીમનભાઈ જોશીને જે મોરબીના સંજસમાચારના પત્રકાર જીગ્નેશભાઈ ભટ્ટ, હિમાંશુભાઈ ભટ્ટના માસી છે, તેઓને 7 સપ્ટેમ્બરના રોજ છાતીમાં દુખાવો ઉપડતા તેમને જેતપુરની અનેક હોસ્પિટલમાં લઇ ગયા. જ્યાં તબીબે વધુ સારવાર માટે રાજકોટ લઇ જવાનું કહ્યું હતું. જેને પગલે મમતાબેનનો પુત્ર તેમને લઈને રાત્રે રાજકોટની કોવીડ-19 હોસ્પટિલે પહોંચ્યો હતો. અહીં તેમનો કોરોના ટેસ્ટ કરાવતા તે પોઝિટિવ આવ્યો હતો. મમતાબેનને તરત જ સારવાર અર્થે કોવિડ 19 માં આઇસોલેશન વોર્ડમાં ખસેડાયા હતા. મમતાબેન પોતે ડાયાબિટીસના દર્દી હતા. બીજે દિવસે (તા. 8-સપ્ટેમ્બર) બપોર સુધી મમતાબેને પીવાનું પાણી પણ આપવામાં આવ્યું ન હતું. જયારે ભોજનમાં અતિશય તીખા શાક,દાળ આપવામાં આવ્યા હતા. મમતાબેન આટલું તીખું ખાઈ શકે તેમ ન હોય ત્યાંના સ્ટાફને જાણ કરી હતી. જે પછી સ્ટાફે મમતાબેન માટે મોસંબીની વ્યવસ્થા કરી આપી હતી. બુધવારે (આજે) સવારે 10:30 વાગ્યે પરિવારજનોએ હોસ્પિટલે ફોન કરીને ખબર પણ પૂછી હતી. ત્યારે સ્ટાફે તેઓની તબિયત સ્થિર હોવાનો જવાબ આપ્યો હતો. પરંતુ 30 મિનિટમાં જ 11 વાગ્યે મમતાબેનનું મૃત્યુ પામ્યાનું જણાવતા પરિવાર પાર આભ ફાટી પડ્યું હતું.