સોમવારથી રાજકોટ સોની બજાર એક અઠવાડિયું બંધ રહેશે : ગોલ્ડ ડીલર્સ એસો.ની અપીલ

July 25, 2020

(દિવ્યક્રાંતિ ન્યુઝ) તા.25-07,

રાજકોટ સોની બજારમાં અસંખ્ય કોરોના પોઝિટિવ કેસ છેલ્લા 7-8 દિવસથી આવેલા છે. અને રોજે રોજ કેસ વધી રહ્યા છે. જેનાથી આજે રાજકોટ ગોલ્ડ ડીલર્સ એશો. ની ટેલિફોનિક કોન્ફરન્સ યોજાયી હતી જેમાં. સર્વાનુમતે એવું નક્કી કરવામાં આવ્યું કે કોરોના સંક્રમણ રોકવા વેપારીઓની તેમના પરિવારની સિક્યોરિટી જોતા આવતા સોમવારે તા.27 થી તા. 1-8-2020 સુધી શનિવાર સુધી સ્વૈચ્છીક બંધ રાખવાનું નક્કી કરાયું છે તેવું રાજકોટ ગોલ્ડ ડીલર્સ એશો. ના પ્રમુખ દ્વારા યાદીમાં જણાવાયું છે.

ઉલ્લેખનીય છે કે રાજકોટ શહેર તેમજ જિલ્લામાં દિવસે અને દિવસે કોરોના વાયરસનો કેર યથાવત્ જોવા મળી રહ્યો છે. કોરોના પોઝિટિવ દર્દીઓનો આંક પણ કૂદકે અને ભૂસકે વધી રહ્યો છે. ત્યારે આજરોજ રાજકોટ શહેરમાં રેકોર્ડ બ્રેક 50 જેટલા પોઝિટિવ કેસ નોંધાતા શહેરમાં પોઝિટિવ કેસનો કુલ આંક 881 પર પહોંચ્યો છે. સવારમાં 33 જેટલા પોઝિટિવ કેસ નોંધાયા હતા ત્યારબાદ બપોરના બાર વાગ્યાથી સાંજના 5 વાગ્યા સુધીમાં નવા 17 કેસ નોંધાતા આજરોજ કુલ 50 જેટલા પોઝિટિવ કેસ નોંધાયા છે. (અહેવાલ : હિતેન સોની, રાજકોટ)