મોરબી : સ્વનિર્ભર શાળા સંચાલક મંડળ દ્વારા સોમવારથી ઓનલાઇન શિક્ષણ પુનઃશરૂ કરવાની જાહેરાત

July 25, 2020

(દિવ્યક્રાંતિ ન્યુઝ) તા.25-07,

તાજેતરમાં ગુજરાત સરકારે ખાનગી શાળાઓને ફી વસૂલવા ઉપર પાબંધી મુકવામાં આવી હતી. રાજ્ય સરકારના નિર્ણયને કારણે ગુજરાત રાજ્ય સ્વનિર્ભર શાળા સંચાલક મહામંડળ નારાજ થયું હતું અને વહીવટી કામગીરી બંધ કરી ઓનલાઇન શિક્ષણ ન આપવાની જાહેરાત કરી હતી. જો કે આ જાહેરાતને પગલે રાજ્ય સરકારે પોતે ઓનલાઇન શિક્ષણ આપવાનું જાહેર કર્યું હતું. બાદમાં આજે ગુજરાત રાજ્ય સ્વનિર્ભર શાળા સંચાલક મહામંડળે આગામી તા.17ને સોમવારથી ઓનલાઇન શિક્ષણ ફરી શરૂ કરવાનું એલાન કર્યું છે.

મોરબી જિલ્લા સ્વનિર્ભર શાળા સંચાલક મંડળના પ્રમુખ મનોજભાઈ ઓગણજાએ જણાવ્યું કે સરકાર સામેની નારાજગી હજુ યથાવત જ છે. શાળાઓ વહીવટી કામગીરી બંધ જ રાખશે. હાઇકોર્ટમાં કેસ પણ ચાલુ રહેશે. વિદ્યાર્થીઓનું ભવિષ્ય ન બગડે તેમજ વાલીઓની લાગણી અને માંગણીને ધ્યાને લઈને મહામંડળ દ્વારા ઓનલાઇન શિક્ષણ ફરી શરૂ કરવાનો નિર્ણય લેવામાં આવ્યો છે.