દર વર્ષે યોજાતા ઇન્ડિયા બાઈક વીકમાં ભાગ લઇ સમગ્ર કંસારા સોની સમાજ અને ગુજરાતનું ગૌરવ વધાર્યું
(દિવ્યક્રાંતિ ન્યુઝ) ભુજ,તા. 15-12, દ્રઢ મનોબળ, અને ઈચ્છા શક્તિ હોય તો દરેક મંજિલ આસાન હોય છે. ભુજ શહેરના 2 સાહસિક યુવાનો હર્ષ વિજય બુધ્ધભટ્ટી અને મીત રજનીકાંત બુધ્ધભટ્ટીએ ભુજથી બાઈક પર સવારી કરી ગોવામાં ઇન્ડિયા બાઈક વીકમાં ભાગ લેવા ગોવા પહોંચ્યા હતા. આ આયોજનમાં દેશભરના બાઈકર્સ ભાગ લે છે. અહીં સ્ટન્ટ શૉ, બાઈક એક્સપો, ઓફરોડિંગ, ફ્લેટ ટ્રેક, હિલ ક્લાઇમ્બિંગ સહિતની બાઈક રેસનો સમાવેશ થાય છે. આ મંચ પરથી દુનિયાભરના બાઈકર્સ પોતાનો અનુભવ અન્યો સાથે શેર કરે છે.
પોતાનો અનુભવ વિષે હર્ષ બુધ્ધભટ્ટી અને મીત બુધ્ધભટ્ટી જણાવે છે કે ” સેફ્ટી ઇઝ મસ્ટ” ના નિયમને નજરમાં રાખીને જ ચાલવું જોઈએ, હેલ્મેટ, ની ગાર્ડ, સેલ્ફી ગ્લોવ્ઝ, રાઇડિંગ જેકેટ, રાઇડિંગ બૂટ્સ આ તમામ ચીજો સલામતી માટે ખુબ જરૂરી હોય છે. અને રોજબરોજની સફરમાં તેનો ઉપયોજગ કરવો જોઈએ, ટ્રાફિકના નિયમોનું ચુસ્ત પાલન કરવું આપણાજ હિતમાં છે.
ડિસેમ્બર મહિનો કડકડતી ઠંડીનો મહિનો હોય છે આ સમયે તા. 3-12 ના રોજ સફર શરુ કરી ગોવા પહોંચ્યા અને 7-12 ના પરત ભુજ માટે નીકળ્યા હતા. ટુ-વહીલર માટે એક્સપ્રેસ-વેની સુવિધા ન હોવાથી થોડા ઉતાર-ચડાવવાળા માર્ગે જવું પડ્યું હતું GPS ની પણ મદદ લીધી હતી.
આમ આ યુવાનોએ ગજબનો સાહસ કરી ઇન્ડિયા બાઈક વીકમાં પાર્ટિસિપેટ થઈ ગુજરાતનું પ્રતિનિધિત્વ કરી સમસ્ત કંસારા સમાજનું, ભુજ શહેરનું, અને સમગ્ર ગુજરાતનું ગૌરવ વધાર્યું હતું, આ યુવાનો મીત રાજનીકાંતભાઈ બુધ્ધભટ્ટી: 9998044215 તથા હર્ષ વિજયભાઈ બુધ્ધભટ્ટી : 9033493969 પર તેમના શુભેચ્છક મિત્ર વર્તુળોમાંથી શુભેચ્છાની વર્ષા થઇ રહી છે. (અહેવાલ : જયદેવ બુધ્ધભટ્ટી: 9723162036) (તસ્વીર: હર્ષ બુધ્ધભટ્ટી-9033493969) કિમી