એક નંબર પરથી ઘણા ફોનમાં ચલાવી શકાશે વ્હોટ્સએપ, આવી રહ્યા છે કમાલના ફીચર્સ

July 25, 2020

(દિવ્યક્રાંતિ ન્યુઝ) તા.25-07,

મેસેજિંગ સર્વિસ વ્હોટ્સએપ પર અત્યારે એક નંબરથી એક જ ફોનમાં એકાઉન્ટ બનાવી શકાય છે પણ ટૂંક સમયમાં એક જોરદાર ફીચર આવવાનું છે. વ્હૉટ્સએપ ઘણા સમયથી મલ્ટી-ડિવાઈસ સપોર્ટ ફીચર પર કામ કરી રહ્યું છે અને તેની મદદથી એક જ નંબરથી ઘણા બધા ડિવાઈસિસ પર વ્હોટ્સએપ ચલાવી શકાશે. અત્યાર સુધી સામે આવેલી લીક્સ ઉપરાંત WABetaInfo તરફથી પણ આનાથી જોડાયેલી ડિટેઈલ્સ શેર કરવામાં આવી છે. સામે આવ્યું છે કે, આની મદદથી યૂઝર્સ ચાર ડિવાઈસિસને એક જ એકાઉન્ટથી લિંક કરી શકશે.

વ્હોટ્સએપમાં થનારા ફેરફારો અને અપડેટ્સને મૉનિટર કરનારી સાઈટ WABetaInfoની તરફથી આ ફીચરની જાણકારી આપવામાં આવી છે. સામે આવ્યું છે કે, એપમાં યૂઝર્સને અલગથી એક સેક્શ ‘Linked Devices’ મળશે. આમાં દેખાશે કે યૂઝર કયા ડિવાઈસમાં તે નંબરથી વ્હોટ્સએપ વાપરી રહ્યો છે. આ નવું સેક્શન એપના મેન્યૂમાં આવશે અને તેને ટૉપ રાઈટમાં દેખાનારા ત્રણ ડૉટ્સ પર ટેપ કરી એક્સેસ કરી શકાશે. અહીં યૂઝર્સને સેટિંગ્સ, ન્યૂ ગ્રૂપ, ન્યૂ બ્રૉડકાસ્ટ અને સ્ટાર્ડ મેસેજિસ જેવા ઑપ્શન્સ પણ મળે છે.

નવા એડવાન્સ્ડ સર્ચ ફીચર પર કામ

નવા સેક્શનમાં ન માત્ર યૂઝર્સને નવા ડિવાઈસ લિંક કરવાનો ઑપ્શન મળશે પરંતુ પહેલેથી લિંક કરવામાં આવેલા ડિવાઈસ પણ જોવા મળશે. સાથે જ ટેમ્પ સ્ટેમ્પની સાથે દેખાઈ જશે કે, તે ડિવાઈસ પર વ્હોટ્સએપ છેલ્લે ક્યારે એક્ટિવ હતા. મલ્ટી ડિવાઈસ સપોર્ટ ઉપરાંત કંપની એડવાન્સ્ડ સર્ચ મોડ પર પણ કામ કરી રહી છે. WABetaInfoના રિપોર્ટમાં કહેવામાં આવ્યું છે કે, એન્ડ્રોયડ એપ પર યૂઝર્સને ટૂંક સમયમાં ઈન્ટરફેસ પણ જોવા મળી શકે છે.

વાઈ-ફાઈ સિંકની પડશે જરૂર

WABetaInfoને આ ફીચર્સ એપના એન્ડ્રોયડ બીટા વર્ઝન 2.20.196.8માં જોવા મળ્યા છે. અત્યારે આ નવા ફિચર્સ ડેવલપમેન્ટમાં છે, એટલે બીટા યૂઝર્સ માટે પણ હજુ રોલઆઉટ કરાયા નથી. ગત મહિને સામે આવેલા રિપોર્ટમાં કહેવામાં આવ્યું છે કે, વ્હોટ્સએપને જુદા-જુદા ડિવાઈસિસમાં ચલાવવા માટે Wi-Fi Syncની જરૂર પડી શકે છે. ગત એન્ડ્રોયડ વર્ઝન બીટા વર્ઝનમાં ફેસબુકની ઑનરશિપવાળી એપની પ્રાઈમરી રજિસ્ટ્રેશન સ્ક્રીન દેખાઈ હતી અને વાઈ-ફાઈની મદદથી લૉગ-ઈન કરવા માટે કહેવામાં આવ્યું હતું.