ઉનાળાની શરૂઆત થઈ ગઈ છે, પરંતુ થોડા દિવસથી વાતાવરણમાં ઠંડક જેવો અહેસાસ થઈ રહ્યો હતો. ઉત્તરભારતમાં સ્નોફોલને કારણે વાતાવરણ ઠંડુ હતું, પણ હવે કાળઝાળ ગરમી માટે તૈયાર થઈ જાઓ. પરસેવે રેબઝેબ કરી નાંખે તેવી ગરમી ગુજરાત પડવાની શરૂઆત થવાની છે. ત્યારે ક્યારથી ગુજરાતમાં વરસશે અગનગોળા? કેવી પડશે ગરમી?
કાળઝાળ ગરમી માટે થઈ જાઓ તૈયાર. આકાશમાંથી અગનગોળા વરસવાનાછે! જી હા…પરસેવાથી રેબઝેબ કરી નાંખે તેવી ગરમી પડવાની આગાહી કરી દેવામાં આવી છે. ગુજરાતીઓ આકરા તાપ માટે તૈયાર રહો. ઉનાળાની શરૂઆતમાં ગરમીથી થોડી રાહત મળી હતી. પણ હવે ખરો તાપ સહન કરવા માટે સૌ ગુજરાતીઓએ તૈયાર થઈ જવું પડશે.
ગુજરાતના આકાશમાંથી અગનગોળા વરસવાના છે, અગ્ન પાસે ઉભા રહીએ અને જે અહેસાસ થાય તેવી ગરમી ગુજરાતમાં પડવાની છે અને આ ગરમી માટે હવે સૌ ગુજરાતીઓએ તૈયાર રહેવું પડશે. હવામાન વિભાગે ગરમીનું એલર્ટ પણ આપી દીધું છે. ગુજરાતમાં ઉષ્ણ લહેરની ચેતવણી હવામાન વિભાગે આપી છે એટલે કે ગરમ પવન ફૂંકાશે.
આગામી બે દિવસ કચ્છ અને રાજકોટમાં આ ઉષ્ણ લહેરની ચેતવણી આપવામાં આવી છે એટલે કે આગામી બે દિવસ કચ્છ અને રાજકોટના લોકો આકરો તાપ સહન કરવો પડશે. ત્યારપછીના દિવસોમાં કચ્છ, બનાસકાંઠા, રાજકોટ, અમરેલી અને ભાવનગરમાં યલો એલર્ટ અપાયું છે. આ જિલ્લાના લોકોએ પણ ગરમીમાં સેકાવું પડશે. 12મી માર્ચ સુધી કાળઝાળ ગરમી અને ઉષ્ણ લહેરની આગાહી છે.
આગામી 2 દિવસ કચ્છ અને રાજકોટમાં આકરો તાપ પડશે. કચ્છ, બનાસકાંઠા, રાજકોટ, અમરેલી, ભાવનગરમાં યલો એલર્ટ. અનેક જિલ્લાના લોકોએ ગરમીમાં સેકાવું પડશે. 12મી માર્ચ સુધી કાળઝાળ ગરમી અને ઉષ્ણ લહેરની આગાહી કરવામાં આવી છે.
છેલ્લા કેટલાક દિવસોથી વાતાવરણમાં ઠંડક લાગતી હતી. ખાસ વહેલી સવારે અને મોડી રાત્રે ઠંડીનો સામાન્ય અહેસાસ થતો હતો. પરંતુ તેનું કારણ ઉત્તરભારતના પહાડી રાજ્યોમાં બરફવર્ષા હતું. હવે ત્યાં પણ કોઈ સ્નોફોલ નથી.
વાતાવરણ સુક્કુ થઈ ગયું છે તેથી ગુજરાત અને અન્ય મેદાની પ્રદેશોમાં આકરો ઉનાળો રહેવાનો છે અને આતો હજુ શરૂઆત છે. ખરો ઉનાળો તો જેમ જેમ દિવસો આગળ વધશે તેમ તેમ શરૂ થશે. તો આ તાપમાં ખુબ જ સાચવજો.
