માળિયા (મી)ના વેણાસર આંગણવાડી ખાતે અગર વિસ્તારમાં રહેતા અગરીયાઓ માટે મોબાઈલ હેલ્થ યુનિટ માળિયા દ્વારા મુખ્ય જિલ્લા આરોગ્ય અધિકારી, જિલ્લા પંચાયત આરોગ્ય શાખાનાં માર્ગદર્શન હેઠળ અને અગરિયા હિત રક્ષક મંચનાં સહયોગથી સર્વરોગ નિદાન-સારવાર કેમ્પનું આયોજન કરાયું હતું.
આ કેમ્પમાં વિનામૂલ્યે સારવાર અને દવા આપવામાં આવી હતી.અને ડાયાબિટીસનાં દર્દીઓ માટે સુગરની તપાસ, પ્રસુતિની તપાસ, મલેરીયાની તપાસ, બીપી તપાસ, હિમોગ્લોબીન તપાસ પણ કરવામાં આવી હતી. આ કેમ્પનો 305 જેટલા અગરીયા ભાઈ-બહેનોએ લાભ લીધો હતો.
આ કેમ્પને સફળ બનાવવા માટે તાલુકા હેલ્થ ઓફિસર ડો. બાવરવા, એમ.એચ.યુ. મેડિકલ ઓફિસર ડો. નિમેષ રંગપરિયા, અગરિયા હિત રક્ષક મંચના મારૂતસિંહ બારૈયા અને અગરીયા આગેવાન હુંબલ અરજણભાઇએ જહેમત ઉઠાવી હતી.
