55 વર્ષથી વધુ ઉંમરના લોકો પર હાથ ધરાયેલ અભ્યાસ : દિવસમાં જયારે સમય મળે ત્યારે 20 સેકન્ડ બે-ત્રણ વખત કસરત કરો
એવું હંમેશા કહેવામાં આવે છે કે, થોડી સખત તાલીમ તમને ફિટ રાખે છે. આરોગ્ય નિષ્ણાતો મોટી ઉંમરના લોકોને પણ જીમમાં જવાની સલાહ આપે છે, પરંતુ દરેક વ્યક્તિ માટે જીમમાં જવું શક્ય નથી. દરેક વ્યક્તિનું શરીર તેને જીમમાં એક કે અડધો કલાક જવા માટે શકય બનતું નથી આવા લોકોએ વ્યાયામ માટે નવી યુકિત વિચારવી જોઇએ. તમે નાસ્તો કરો છો તે રીતે કસરત કરો.
મેલબોર્ન યુનિવર્સિટી અને બ્રિટિશ કોલંબિયા યુનિવર્સિટીના વૈજ્ઞાનિકોએ એક અભ્યાસ બાદ કહ્યું છે કે, જો લોકો દિવસમાં જયારે સમય મળે ત્યારે ઘણી વખત થોડો સમય વર્કઆઉટ કરે છે તો તે પણ ખૂબ ફાયદાકારક સાબિત થઈ શકે છે. ચાર અઠવાડિયા સુધી દિવસમાં બેથી ત્રણ વખત થોડી મિનિટો ઘરે કસરત કરવાથી સ્નાયુઓ મજબૂત થાય છે.
એક્સરસાઇઝ સ્નેકિંગ શું છે
નિષ્ણાતોના મતે, જો તમે કસરત માટે દિવસનો એક નિશ્ચિત સમય નક્કી કરી શકતા નથી તો કસરત માટે નાસ્તો એક ઉદાહરણ બની જશે. તે તેના જેવું જ છે જેમકે ઉદાહરણ તરીકે, જે લોકો દિવસ દરમિયાન એક સમયે ઘણું ખાઈ શકતા નથી તેઓ થોડું-થોડું ખાતા રહે છે. આને એક પ્રકારની મીની વર્કઆઉટ પણ કહી શકાય.
જે દિવસમાં ઘણી વખત ઓછામાં ઓછી 20 સેકન્ડ માટે કરવામાં આવે છે. સંશોધક ડો.મેથ્યુ સ્ટોર્કે આ વિશે જણાવ્યું કે જો દિવસમાં બે કે તેથી વધુ વખત આ કસરત ઘરે કરવામાં આવે તો સ્નાયુઓની તંદુરસ્તી સુધરવાની શક્યતા બમણી થઈ જાય છે. જેઓ જીમમાં ભારે વજન ઉપાડવા માંગતા નથી અથવા અસમર્થ છે તેમના માટે તે વધુ ફાયદાકારક છે.
દરરોજ શું કરવું?
♦ સીડી ચડવું
♦ ટૂંકા ગાળા માટે ઝડપથી ચાલવું,
♦ પિંડી પર ઊભા રહેવું
♦ હળવા પુશ અપ્સ કરવા
તમને આ લાભ મળશે
જેમ જેમ આપણી ઉંમર થાય છે તેમ તેમ ચાલવા કે ઊભા રહેવા માટે આપણે જે સ્નાયુઓનો ઉપયોગ કરીએ છીએ તે શક્તિ ગુમાવે છે. આવી સ્થિતિમાં, સ્નાયુઓને મજબૂત રાખીને, આવી કસરતો સાંધાના દુ:ખાવાને ઘટાડી શકે છે.
31 ટકાનો સુધારો
આ સંશોધન 55 વર્ષથી વધુ ઉંમરના લોકો પર કરવામાં આવ્યું હતું. તેઓને તાલીમ વિના એક મહિના સુધી ઘરે બે વાર કસરત નાસ્તો ખાવા માટે કહેવામાં આવ્યું હતું. 30 દિવસ પછી, દરેક વ્યક્તિની સ્નાયુની શક્તિમાં 31 ટકાનો સુધારો થયો.
