કેન્દ્ર સરકાર રૂંધમાં રૂ.339 કરોડના ખર્ચે પીએમ એકતા મોલ બનાવશે. આ મોલમાં ગુજરાત, અન્ય રાજ્યો અને કેન્દ્રશાસિત પ્રદેશોમાંથી હસ્તકલા ઉત્પાદનોનું પ્રદર્શન અને વેચાણ કરવા માટે એક એમ્પોરિયમ હશે. ભારત સરકાર રૂ.202 કરોડ, જ્યારે ગુજરાત સરકાર રૂ.137.30 કરોડ ફાળવશે.પીએમ એકતા મોલમાં 134 એમ્પોરિયમ અથવા શોરૂમ સામેલ હશે.
આ આઉટલેટ્સ ભારતના તમામ રાજ્યો અને કેન્દ્રશાસિત પ્રદેશો તેમજ ગુજરાતના 33 જિલ્લાઓમાંથી ભૌગોલિક સંકેત (IG) ઉત્પાદનો પ્રદર્શિત કરશે. હસ્તકલા, કૃષિ, ફૂડ પ્રોસેસિંગ, મેન્યુફેક્ચરિંગ અને વધુ જેવા ક્ષેત્રોનું પ્રતિનિધિત્વ કરવામાં આવશે.
સુવિધાઓમાં ક્રાફ્ટ ગેલેરી, સેમિનાર હોલ, એમ્ફી થિયેટર, ફૂડ કોર્ટ અને બાળકોના રમતના વિસ્તારનો સમાવેશ થશે. એક અલગ 11 માળની ઇમારત કારીગરો માટે આવાસ પ્રદાન કરશે.ધારાસભ્ય જીતુભાઈ વાઘાણીની આગેવાનીમાં જાહેર હિસાબ સમિતિએ સ્થળની મુલાકાત લીધી હતી અને પ્રોજેક્ટની વિગતોની સમીક્ષા કરી હતી.
વાઘાણીએ જણાવ્યું હતું કે, એકતા મોલ વ્યાપારી કેન્દ્ર તરીકે નહીં પણ સાંસ્કૃતિક પ્રવૃત્તિઓના કેન્દ્ર તરીકે સેવા આપશે. સમિતિના સભ્યોએ મોલની વિશેષતાઓ વિશેનું પ્રેઝન્ટેશન પણ નિહાળ્યું હતું.
આ મોલ કૃષિ સહિત વિવિધ ક્ષેત્રોને ટેકો આપશે. FPO, સહકારી મંડળીઓ અને APMC આ પ્રયાસમાં સામેલ થશે. આ પ્રોજેક્ટ ODOP (એક જિલ્લા, એક ઉત્પાદન) અને ’મેક ઇન ઇન્ડિયા’ પહેલના વિઝન સાથે સંરેખિત છે.
