Sunday, July 14, 2024
HomeBusinessઈલેક્ટ્રિક વ્હિકલના ભાવમાં ઘટાડો આવી શકે! બેટરી સેલ મુદ્દે મહિંદ્રા ગ્રુપનો મોટો...

ઈલેક્ટ્રિક વ્હિકલના ભાવમાં ઘટાડો આવી શકે! બેટરી સેલ મુદ્દે મહિંદ્રા ગ્રુપનો મોટો નિર્ણય

ભારતમાં ઈલેક્ટ્રિક કારોની કિંમત સૌથી વધારે હોવાનું કારણ એ પણ છે કે લોકલ લેવલે બેટરી સેલનું પ્રોડક્શન નથી થઈ રહ્યું. તેવામાં મહિન્દ્રા ગ્રુપ હવે આ સેગમેન્ટમાં મોટો નિર્ણય લેવાની તૈયારીમાં જોવા મળી રહ્યું છે. મહિન્દ્રા ગ્રુપ ગ્લોબલ પ્લેયર્સ સાથે મળીને ભારતમાં જ બેટરી સેલનું નિર્માણ કરી શકે છે. જેનાથી આગામી સમયમાં ઈલેક્ટ્રિક વાહનોની કિંમતો પણ ઓછી થઈ શકે છે.

ભારત દેશમાં આગામી વર્ષોમાં ઈલેક્ટ્રિક વાહનોની કિંમતમાં મોટાપાયે ઘટાડો નોંધાઈ શકે છે. આ દિશામાં અત્યારે જોરશોરથી પ્રયાસો પણ ચાલી રહ્યા છે. આમ જોવા જઈએ તો મહિન્દ્રા ગ્રુપ લોકલ લેવલે બેટરી સેલનું ઉત્પાદન કરી રહ્યું છે અને આના માટે ગ્લોબલ કંપનીઓ સાથે ભાગીદારી કરવાની પણ સંભાવના થઈ રહી છે. ભવિષ્યમાં ઈલેક્ટ્રિક વાહનો માટે હવે વધતી જતી માગને પહોંચી વળવા મહિન્દ્રા ગ્રુપ આવું કરી શકે છે. મહિન્દ્રા ગ્રુપના એમડી અને સીઈઓ અનીશ શાહે પીટીઆઈ સાથે ઈન્ટર્વ્યૂમાં આ અંગે જાણકારી આપી દીધી છે.

અનીશ શાહે કહ્યું કે કંપની તેના ઇલેક્ટ્રિક વ્હિકલ યુનિટ મહિન્દ્રા ઇલેક્ટ્રિક ઓટોમોબાઇલ લિમિટેડ (MEAL)ની સંભવિત સૂચિ માટે 2030 ટાઈમલાઈન પર વિચાર કરી રહી છે. તેમણે કહ્યું કે એક સેક્ટર કે જેને આપણે વધુ નજીકથી જોઈ રહ્યા છીએ તે છે સેલ મેન્યુફેક્ચરિંગ અને આ એ જ ક્ષેત્ર છે જ્યાં ઈન્વેસ્ટમેન્ટનાં વિવિધ વિચારો ચાલી રહ્યા છે. જો અમને લાગશે કે તે અમારા માટે જરૂરી છે તો અમે સેલ મેન્યુફેક્ચરિંગ માટે ભાગીદારી પર વિચાર કરીશું.

અનીશ શાહે કહ્યું કે અમે વૈશ્વિક ટેક્નોલોજી પાર્ટનર અને સંભવતઃ પ્રાઈવેટ ઈક્વિટી પાર્ટનર્સ પર પણ ધ્યાન આપીશું, કારણ કે અમે સારુ એવું ઈન્વેસ્ટમેન્ટ પણ કરીશું. તેમણે કહ્યું કે જો આપણે આ પહેલને અમલમાં મુકીશું તો દેશમાં બેટરી સેલનું સ્થાનિક ઉત્પાદન શરૂ થઈ શકશે. જ્યારે પૂછવામાં આવ્યું કે શું આ માટે ઉત્પાદન સુવિધા ભારતમાં બનાવવામાં આવશે, આ અંગે શાહે કહ્યું કે અમારા માટે આવું કરવાનું એકમાત્ર કારણ સ્વદેશીકરણ છે. તેથી જો આપણે તે માર્ગ પર જઈશું, તો તે ફક્ત ભારતમાં જ થશે.

MEALને સૂચિબદ્ધ કરવાની યોજના પર શાહે કહ્યું કે તે ઓછામાં ઓછા આગામી 3થી 5 વર્ષમાં બનવાનું નથી. તેમણે કહ્યું કે ઇલેક્ટ્રિક સેગમેન્ટને આગળ વધવા માટે સમયની જરૂર છે. આ માટે અમે કદાચ 2030ની સમયમર્યાદા પર વિચાર કરીશું.

RELATED ARTICLES

Most Popular

Recent Comments

error: Content is protected !!