વડોદરામાં મન મૂકી ગરબે રમ્યો ઓલિમ્પિક ચેમ્પિયન નીરજ ચોપરા

(દિવ્યક્રાંતિ ન્યુઝ) તા.29-09-2022

ઓલિમ્પિક ગોલ્ડ મેડાલિસ્ટ અને ભાલાફેંકના સ્ટાર ખેલાડી નીરજ ચોપરા હાલમાં ગુજરાતનો મહેમાન બન્યો છે. નેશનલ ગેમ્સના ઉદ્દઘાટન પ્રસંગે નીરજ ચોપરા ગુજરાત આવ્યો છે. ત્યારે બુધવારે નીરજ ચોપરા વડોદરામાં હતો. હાલમાં ગુજરાત નવરાત્રીના પવિત્ર તહેવારની ઉજવણી કરી રહ્યું છે ત્યારે નીરજ પણ તેના રંગમાં રંગાઈ ગયો હતો. નીરજે વડોદરામાં માતાજીની આરતી ઉતારી હતી અને ત્યારબાદ મન મૂકીને ગરબે ગુમ્યો હતો. ગુજરાતીઓએ પણ નીરજને ભરપૂર પ્રેમ આપ્યો હતો. નોંધનીય છે કે નીરજ ચોપરાએ ટોક્યો ઓલિમ્પિક્સમાં ભાલા ફેંકમાં ગોલ્ડ મેડલ જીતીને ઈતિહાસ રચ્યો હતો. નીરજ એથ્લેટિક્સમાં ગોલ્ડ મેડલ જીતનારો ભારતનો પ્રથમ એથ્લેટ બન્યો હતો.