પ્રિડેટર તમારા ફોનની જાસુસી કરી શકે છે
(દિવ્યક્રાંતિ ન્યુઝ) તા.27-05-2022આઇફોન નિ:શંકપણે વિશ્વનો સૌથી લોકપ્રિય ફોન છે, પરંતુ એન્ડ્રોઇડ સ્માર્ટફોનના યુઝર્સની સંખ્યા સૌથી વધુ છે. આ નંબરને ધ્યાનમાં રાખીને ગૂગલ પણ પોતાના યુઝર્સના ડેટા અને ફોનને આઈફોનની જેમ સુરક્ષિત રાખવાનો પ્રયાસ કરી રહ્યું છે. આ માટે ગૂગલની એક રિસર્ચ ટીમ પણ કામ કરતી રહે છે. ગૂગલની રિસર્ચ ટીમે એન્ડ્રોઇડ યુઝર્સને ખતરનાક સ્પાયવેર વિશે ચેતવણી આપી છે. રિપોર્ટ અનુસાર ગૂગલના થ્રેટ એનાલિસિસ ગ્રુપના સંશોધકોએ લાખો એન્ડ્રોઇડ યુઝર્સને ચેતવણી જારી કરીને કહ્યું છે કે તેમને પ્રિડેટર સ્પાયવેર મળ્યા છે. આ ખૂબ જ ખતરનાક સ્પાયવેર છે અને ફોન દ્વારા તમારી જાસૂસી કરી શકે છે. ટીમનું કહેવું છે કે આ ખતરનાક સ્પાયવેર કોમર્શિયલ એન્ટિટી કંપની ઈુિજ્ઞિંડ્ઢ દ્વારા બનાવવામાં આવ્યું છે અને આ કંપનીનું
હેડક્વાર્ટર સ્કોપજે, નોર્થ મેસેડોનિયા છે. સંશોધકો અનુસાર આ સ્પાયવેર તમારા સ્માર્ટફોન દ્વારા ઓડિયો રેકોર્ડ કરી શકે છે. તે ફોનમાં ઈઅ સર્ટિફિકેટ ઉમેરી શકે છે, તેમજ કોઈપણ એપ્સને છુપાવી શકે છે. તે યુઝર્સને ઈ-મેલ દ્વારા મોકલવામાં આવી રહી છે. મેલમાં એક વખતની લિંક છે. નિષ્ણાતોનું કહેવું છે કે આ લિંકને ઞછક શોર્ટનરની મદદથી એમ્બેડ કરવામાં આવી છે. જલદી તમે આ લિંક પર ક્લિક કરશો, તમને ડોમેન પર રીડાયરેક્ટ કરવામાં આવશે. આ પછી અકઈંઊગ નામનો સ્પાયવેર યુઝરના ફોન સુધી પહોંચે છે. આ ટીમ કહે છે કે અકઈંઊગ સ્પાયવેર બહુવિધ વિશેષાધિકૃત પ્રોસેસરની અંદર રહે છે. યુઝર્સ ઉપકરણમાં એન્ટર દબાવ્યા પછી, તે ઘણા પ્રકારના ઈંઙઈ આદેશો મોકલવાનું શરૂ કરે છે, જેમ કે ઓડિયો રેકોર્ડિંગ વગેરે.