બંને દિગ્ગજ કંપનીઓ સાથે મળીને દેશ માટે 5જી નેટવર્ક સોલ્યૂશન ભારતમાં જ બનાવશે, હવો ભારતને દેશી 5G મળશે

Made in India 5G: ટાટા ગ્રુપ સાથે મળી દેશી 5G નેટવર્કને મુદ્દે Airtelએ કરી મોટી જાહેરાત

દેશના પોતાના 5G નેટવર્કને લઇને આજે ભારતી એરટેલ (Bharti Airtel) અને ટાટા ગ્રુપે સાથે મળીને મહત્વની જાહેરાત કરી છે. જે મુજબ બંને દિગ્ગજ કંપનીઓ સાથે મળીને દેશ માટે 5જી નેટવર્ક સોલ્યૂશન (5G Networks Solutions) ભારતમાં જ બનાવશે. હવે ભારતને પણ દેશી 5G મળશે. ટાટા ગ્રુપે ઓ-આરએએન (O-RAN) બેઝડ રેડિયો અને એનએમએ/એસએ કોર ડેવલેપ કર્યું છે. આ ટેકનીક જાન્યુઆરી 2022થી કોમર્શિયલ ઉપયોગ માટે ઉપલબ્ધ કરાવાશે.

જાહેરાત મુજબ જાન્યુઆરી 2022થી એરટેલ ટાટા ગ્રુપની આ ટેકનીકનો ઉપયોગ ભારતમાં તેના 5G લોન્ચ માટે તૈયાર કરશે. શરુઆતમાં આ પાઇલેટ પ્રોજેક્ટની જેમ ચાલશે જે ભારત સરકારની ગાઇડલાઇનને અનુલક્ષીને કાર્યરત રહેશે. ભારતમાં આ પ્રોજેક્ટ ચાલી જાય છે તો એક્સપોર્ટના તમામ રસ્તાઓ ખુલી જશે. જેમાં ટાટા કન્સલ્ટન્સી એજનીનો મહત્વની રોલ રહેશે.

ભારતમાં 5G નેટવર્ક સોલ્યૂશન માટે બંને કંપનીઓ મેળાપને લઇને ભારત અને દક્ષિણ એશિયા ભારતી એરટેલના એમડી અને સીઇઓ ગોપાલ વિટ્ટલે કહ્યું કે ભારતને 5G અને સંબંધિત ટેકનોલોજી માટે એક વૈશ્વિક કેન્દ્ર બનાવવા માટે ટાટા ગ્રુપ સાથે જોડાઇને ખુશી થાય છે.