જે રાજ્યો અને ક્ષેત્રોમાં LPGનો ઓછો વપરાશ થતો હોય ત્યાંના ગરીબોને પ્રાધાન્ય
1 ફેબ્રુઆરીએ બજેટ રજૂ કરતા નાણાંમંત્રી નિર્મલા સીતારમણે કહ્યુ હતું કે, પ્રધાનમંત્રી ઉજ્જવલા યોજના અંતર્ગત 1 કરોડ નવા કનેક્શન મફતમાં આપવામાં આવશે. પ્રાપ્ત વિગતો મુજબ જોઈએ તો, મિનિસ્ટ્રી ઓફ પેટ્રોલિયમ એન્ડ નેચુરલ ગેસ આગામી તબક્કાની રૂપરેખા તૈયાર કરી લેવામાં આવી છે. માનવામાં આવી રહ્યુ છે કે, આ મહિને જાહેરાતને અમલમાં મુકી દેવાશે.
ઉજ્જવલા યોજના અંતર્ગત ગરીબી રેખા નીચે આવતા પરિવારોને નિ: શુલ્ક રસોઈ ગેસ કનેક્શન વિતરણ કરવામાં આવે છે. એક અહેવાલ મુજબ, 31 જાન્યુઆરી 2021 સુધી આ યોજના હેઠળ 8.3 કરોડ એલપીજી કનેક્શન વિતરણ કરવામાં આવ્યા છે. બજેટની ઘોષણા હેઠળ, વર્તમાન નાણાકીય વર્ષમાં, તે રાજ્યો અને તે ક્ષેત્રોમાં જ્યાં ઓછા વપરાશ થાય છે ત્યાં નવા ગેસ કનેક્શન વિતરણ કરવામાં આવશે. સરકાર માટે ઉજ્જવલા યોજનાના લાભાર્થીઓની સૂચિ પણ મહત્વપૂર્ણ છે કારણ કે આને આધાર તરીકે ધ્યાનમાં લેતા, સરકાર જરૂરિયાતમંદોને વિવિધ યોજનાઓ અને લાભ પ્રદાન કરે છે. કોરોના લોકડાઉનમાં સરકારે પ્રધાનમંત્રી ગરીબ કલ્યાણ પેકેજ હેઠળ આ યોજનાના દરેક લાભાર્થીઓને વિના મૂલ્યે ત્રણ ગેસ સિલિન્ડરોનું વિતરણ કર્યું હતું.
પ્રધાનમંત્રી ઉજ્જવલા યોજના 1 મે 2016 ના રોજ શરૂ કરવામાં આવી હતી. આપને જણાવી દઈએ કે જ્યારે તમે ઉજ્જવલા યોજના હેઠળ એલપીજી કનેક્શન લો છો, ત્યારે સ્ટવ સાથેનો કુલ ખર્ચ 3,200 રૂપિયા છે. આમાં સરકાર દ્વારા સીધી રૂ. 1,600 ની સબસિડી આપવામાં આવે છે અને બાકીની 1,600 રૂપિયા તેલ
કંપનીઓ દ્વારા આપવામાં આવે છે, પરંતુ ગ્રાહકોએ આ કંપનીને ઈએમઆઈ તરીકે રૂ. 1,600 ચૂકવવા પડશે.
શુધ્ધ બળતણ, સારું જીવન ના નારા સાથે, કેન્દ્ર સરકારે 1 મે, 2016 ના રોજ પીએમ નરેન્દ્ર મોદીના નેતૃત્વ હેઠળ એક સમાજ કલ્યાણ યોજના – વડા પ્રધાન ઉજ્જવલા યોજના શરૂ કરી. આ યોજના ધૂમ્ર મુક્ત ગ્રામીણ ભારતની કલ્પના કરે છે અને વર્ષ 2019 સુધીમાં 5 કરોડ પરિવારો, ખાસ કરીને ગરીબી રેખા નીચે જીવતા મહિલાઓને પોષણક્ષમ દરે એલપીજી જોડાણો આપવાનું લક્ષ્ય હતું.
કોને-કઈ રીતે મળશે લાભ?: ઉજ્જવલા યોજનાનો લાભ લેવા માટે, અરજદારની ઉંમર 18 વર્ષથી વધુની હોવી આવશ્યક છે. અરજદાર બીપીએલ કાર્ડ ધારક ગ્રામીણ નિવાસી હોવો આવશ્યક છે. સબસિડીની રકમ મેળવવા માટે મહિલા અરજદાર પાસે દેશભરની કોઈપણ રાષ્ટ્રીયકૃત બેંકમાં બચત બેંક ખાતું હોવું જોઈએ. અરજદાર પરિવાર પાસે પહેલાથી જ ઘરે એલપીજી કનેક્શન હોવું જોઈએ નહીં.
આ યોજના હેઠળ અરજી કરવા માટે બીપીએલ રેશનકાર્ડ જરૂરી છે. આ ઉપરાંત પંચાયત વડા / પાલિકા પ્રમુખ દ્વારા અધિકૃત બી.પી.એલ પ્રમાણપત્ર, ફોટો ઓળખકાર્ડ (આધારકાર્ડ અથવા મતદાર ઓળખકાર્ડ), તાજેતરના પાસપોર્ટ સાઇઝનો ફોટોગ્રાફ અને નામ, સંપર્ક માહિતી, જનધન / બેંક ખાતા નંબર જેવી મૂળભૂત વિગતો, આધાર કાર્ડ નંબર જેવી માહિતી આવશ્યક છે.
હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો
