એઈમ્સના ડાયરેક્ટર ડો. રનદીપ ગુલેરિયાએ કહ્યું છે કે, કોરોનાથી બાળકોને વધુ અસર થશે તે સૂચન માટે આવા કોઈ ડેટા મળ્યા નથી. તેમણે ભવિષ્યમાં બાળકોને ગંભીર રીતે ચેપ લાગવાની આશંકાઓને પણ નકારી કાઢી હતી. એઇમ્સના ડાયરેક્ટરએ આરોગ્ય મંત્રાલયની સાપ્તાહિક પ્રેસ કોન્ફરન્સમાં કહ્યું હતું કે, બાળકોને વધુ અસર થશે તેવું વૈશ્વિક અને ભારતીય ડેટામાં એવું જોવા મળ્યું નથી. ગુલેરિયાએ કહ્યું કે, બીજી લહેરમાં પણ ચેપ લાગતા બાળકોમાં ચેપની હળવા અસર જોવા મળી છે. એઇમ્સના ડિરેક્ટરે કહ્યું, “મને નથી લાગતું કે, આપણે ભવિષ્યમાં પણ બાળકોમાં ગંભીર ચેપ જોઈશું.
ભારતમાં કોરોના વાયરસની સ્થિતિ વિશે માહિતી આપતી વખતે આરોગ્ય મંત્રાલયના જોઈન્ટ સેક્રેટરી લવ અગ્રવાલે કહ્યું કે દેશમાં છેલ્લા 24 કલાકમાં 89,498 નવા કેસ નોંધાયા છે. તેમણે જણાવ્યું હતું કે, દરરોજ ઉચ્ચતમ સ્તરના નવા કેસ આવતા હોવાથી કેસોમાં લગભગ 79 ટકાનો ઘટાડો થયો છે. અગ્રવાલે કહ્યું કે, ગયા અઠવાડિયે, કુલ કેસોમાં 33 ટકાનો ઘટાડો થયો છે. તેમણે કહ્યું કે, છેલ્લા એક મહિનામાં 322 જિલ્લાઓમાં નવા કેસોમાં ઘટાડો જોવા મળી રહ્યો છે.
હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો
