પત્ની પીડિત પતિની વ્હારે અદાલત

(દિવ્યક્રાંતિ ન્યુઝ) તા.03-06-2021

પત્નીપીડિત પુરુષો વખતો વખત અવાજ ઉઠાવતા હોય છે. હવે ચેન્નાઈ હાઈ કોર્ટે પતિદેવની ફરિયાદ સાંભળી છે. ચેન્નાઈમાં પત્નીની હેરાનગતિથી પરેશાન પતિએ ફેમિલી કોર્ટમાં કરેલી અરજીનો ચુકાદો પતિની તરફેણમાં આવ્યો છે. કેસની સુનાવણી દરમિયાન પત્નીએ પતિ વિરુદ્ધ ઘરેલુ હિંસાનો આક્ષેપ કર્યો હતો તેના આધારે પતિને સરકારી નોકરીમાંથી બરતરફ કરાયો. બરતરફી વિરુદ્ધ તેમણે મદ્રાસ હાઈ કોર્ટમાં અપીલ કરી હતી. હાઈ કોર્ટે કેસમાં આ વ્યક્તિની પત્નીને પણ સુનાવણીમાં હાજર રહેવાનો આદેશ આપ્યો હતો. આમ છતાં પત્ની હાજર નહીં રહેતાં છેવટે કોર્ટે પતિની તરફેણમાં ચુકાદો આપ્યો અને પત્નીના આરોપોના મુદ્દે કહ્યં કે તમારા આરોપોની ચકાસણી યોગ્ય ફોરમ કરશે. હાઈ કોર્ટે પતિની નોકરી 15 દિવસમાં ચાલુ કરવાનો આદેશ આપ્યો છે. તેમ જ સરકારને બરતરફીના સમયનો સંપૂર્ણ પગાર આપવાના નિર્દેશ પણ આપ્યા છે.

ઘરેલુ હિંસા પુરુષ વિરુદ્ધ ફરિયાદ મહિલા કરે તો પુરુષની તરફેણમાં ચુકાદો ભાગ્યે જ આવતો હોય છે. કાયદો બધા માટે સમાન હોવા છતાં ઘરેલુ હિંસા પ્રકરણે મહિલા અને પુરુષ માટે અર્થઘટન બદલાતું હોવાનું જોવા મળ્યું છે. મહિલા દ્વારા પુરુષો પરની ઘરેલુ હિંસાથી પુરુષને રક્ષણ આપતો કોઈ કાયદો આપણે ત્યાં નથી. આમ છતાં કોર્ટ જો આવા પ્રકરણમાં ઊંડાણમાં જાય તો પુરુષોને ન્યાય મળી શકે છે તે ચેન્નાઈ હાઈ કોર્ટમાં ચુકાદા પરથી સ્પષ્ટ થાય છે.

વર્તમાન પેઢીએ સમજવું પડશે કે લગ્ન એક સંસ્કાર છે, કોઈ કરાર નથી. બેશક ઘરેલુ હિંસા અધિનિયમ-2005 લાગુ થયા પછી સંસ્કારનું અસ્તિત્વ નથી રહ્યું. આ કાયદો લિવ-ઈન સંબંધોને પણ મંજૂરી આપે છે. આમ છતાં મહિલાઓએ સમજી લેવું જોઈએ કે અહંકાર અને સહિષ્ણુતા તેમને અને કુટુંબીઓને નરક બનાવી શકે છે અને અંતે બાળકોએ પણ આ સ્થિતિનો સામનો કરવો પડે છે. આશા રાખીએ કે પતિઓ માટે પત્ની વિરુદ્ધ કાર્યવાહી કરવા ઘરેલુ હિંસા જેવો કાયદો બને.

હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો