15 ટકા ફી માફ કરવા સ્કૂલોને સુપ્રીમ કોર્ટનો આદેશ, વિદ્યાર્થીનો અભ્યાસ અને રિઝલ્ટ પણ નહીં રોકી શકે

(દિવ્યક્રાંતિ ન્યુઝ) તા.04-05-2021

કોરોના મહામારીની વચ્ચે સ્કૂલ્સ બંધ છે, ક્લાસીઝ ઓનલાઈન ચાલી રહ્યા છે. એવામાં સ્કૂલો દ્વારા પૂરી ફી લેવાને લઈને ઘણા સવાલ ઊભા થઈ રહ્યા છે. લગભગ એક વર્,થી પેરેન્ટ્સ તેનો વિરોધ કરી રહ્યા છે, જ્યારે ખાનગી સ્કૂલો શિક્ષકોના પગાર સહિત અન્ય ખર્ચાની દલીલો કરી રહી છે. આ દરમિયાન હવે એક મામલામાં સુપ્રીમ કોર્ટ પોતાનો ચુકાદો આપ્યો છે.

દેશની સર્વોચ્ચ કોર્ટે ખાનગી સ્કૂલોને વાર્ષિક ફીસમાં ઓછામાં ઓછો 5 ટકાનો ઘટાડો કરવાનો આદેશ આપ્યો છે. કોર્ટે કહ્યું કે, સત્ર 2019-20 માટે સ્કૂલ નિયમ મુજબ પૂરી ફી લઈ શકે છે, પરંતુ શૈક્ષણિક વર્ષ 2020-21 માટે તેમણે ઓછામાં ઓછી 15 ટકા ફી ઘટાડવી પડશે. સ્કૂલ ઈચ્છે તો તેના કરતા વધુ છૂટ પણ આવી શકે છે.

સુપ્રીમ કોર્ટે 8 ફેબ્રુઆરી, 2021એ પોતાના આદેશને ટાંકતા કહ્યું કે, સ્ટૂડન્ટ્સે 4 ઓગસ્ટ 2021 સુધી 6 હપ્તામાં બાકી જમા કરાવવાની રહેશે. જોકે, સુપ્રીમ કોર્ટે તેમાં પણ વિદ્યાર્થીઓને રાહત આપી છે. સુપ્રીમે કહ્યું કે, જો કોઈ સ્ટૂડન્ટ સમયમર્યાદામાં ફી ન ફરી શકે તો સ્કૂલ તેના ઓનલાઈન કે ઓફલાઈન ક્લાસ રોકી શકશે નહીં, તેમજ એવા સ્ટૂડન્ટ્સનું પરિણામ પણ રોકી શકશે નહીં.

સુપ્રીમ કોર્ટમાં જસ્ટિસ એએએમ ખાનવિલકર અને જસ્ટિસ દનેશ માહેશ્વરીની બેન્ચ રાજસ્થાન પ્રાઈવેટ સ્કૂલ્સ મેનેજમેન્ટ તરફથી કરાયેલી અરજી પર સુનાવણી કરી રહી હતી. રાજસ્થાન ખાનગી સ્કૂલ મેનેજમેન્ટે રાજસ્થાન હાઈકોર્ટના 18 ડિસેમ્બર, 2020ના આદેશને સુપ્રીમ કોર્ટમાં પડકાર્યો હતો.

રાજસ્થાન હાઈકોર્ટે પોતાના આદેશમાં મહામારી દરમિયાન વાલીઓની મુશ્કેલીઓને જોતા રાજ્યની સીબીએસઈ સ્કૂલ્સને 30 ટકા અને રાજસ્થાન બોર્ડની સ્કૂલ્સને 40 ટકા ફી ઘટાડવાનો આદેશ આપ્યો હતો.

હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો