આઝાદીના 75 વર્ષ પૂરા થવા નિમિત્તે દેશભરમાં આઝાદીનો ‘અમૃત મહોત્સવ’ યોજવામાં આવશે. અમૃત મહોત્સવના કાર્યક્રમો આ વર્ષે 12 માર્ચથી શરૂ થશે. 15 ઓગસ્ટ 2022 પૂર્વે કેન્દ્ર સરકાર 75 અઠવાડિયા માટે તેનું આયોજન કરશે. 12 માર્ચે રાષ્ટ્રપિતા મહાત્મા ગાંધીના નેતૃત્વમાં ઐતિહાસિક ‘નમકના સત્યાગ્રહ’ના 91 વર્ષ પૂરા થઈ રહ્યા છે.
અમૃત મહોત્સવ માટે રાષ્ટ્રીય અમલીકરણ સમિતિની રચના: ભારતમાં અમૃત મહોત્સવની ઉજવણી માટે વિવિધ મંત્રાલયો દ્વારા આયોજિત કાર્યક્રમોને માર્ગદર્શન આપવા માટે એક રાષ્ટ્રીય અમલીકરણ સમિતિની રચના પહેલાથી જ કરવામાં આવી છે. વડાપ્રધાન નરેન્દ્ર મોદીએ વર્ષ 2017માં સ્વતંત્રતા દિન પરના સંબોધનમાં કહ્યું હતું કે જો આપણે દરેક તેઓ જ્યાં પણ સંકળાયેલા છે, ભલે તે નવા સંકલ્પ, નવી ઉર્જા, નવી શક્તિ સાથે પ્રયાસ કરશે તો આપણે 2022માં કરીશું, સામૂહિક શક્તિમાંથી આઝાદીનું 75મું વર્ષ આખા દેશના લેન્ડસ્કેપને બદલી શકે છે. આ ભારત નવું ભારત બનશે તે સુરક્ષિત, સમૃદ્ધ અને મજબૂત ભારત બનશે.
રાષ્ટ્રીય સમિતિમાં કેન્દ્રીય મંત્રીઓ સિવાયના તમામ ક્ષેત્રના પ્રતિષ્ઠિત નાગરિકોનો સમાવેશ કરવામાં આવશે
સરકારે 259 સભ્યો સાથે વડાપ્રધાન નરેન્દ્ર મોદીની અધ્યક્ષતાવાળી રાષ્ટ્રીય સમિતિની રચના કરી છે, જેના માટે એક જાહેરનામું બહાર પાડવામાં આવ્યું છે. આ રાષ્ટ્રીય સમિતિમાં કેન્દ્રીય મંત્રીઓ સિવાયના તમામ ક્ષેત્રના મહાનુભાવો શામેલ છે. સમિતિ રાષ્ટ્રીય અને આંતરરાષ્ટ્રીય સ્તરે ભારતીય સ્વતંત્રતાની 75મી વર્ષગાંઠ નિમિત્તે કાર્યક્રમો ઘડવા માટે નીતિ નિર્દેશો અને માર્ગદર્શિકા પ્રદાન કરશે.
ઉત્સવની તૈયારીઓ માટે જમ્મુ કાશ્મીરમાં બેઠક યોજાઈ
જમ્મુ-કાશ્મીરના નાયબ રાજ્યપાલ મનોજ સિંહાએ શુક્રવારે ભારતની આઝાદીની 75મી વર્ષગાંઠની ઉજવણી માટે ‘આઝાદી કા અમૃત મહોત્સવ’ની તૈયારી સબંધી ઉચ્ચ સ્તરીય બેઠકની અધ્યક્ષતા કરી હતી. સમગ્ર રાજ્યમાં ઉજવણી માટે વહીવટી સચિવોને ખૂબ જ ઉત્સાહથી નિર્દેશ કરતા ઉપરાજ્યપાલે જણાવ્યું હતું કે આઝાદી અમૃત મહોત્સવનો કાર્યક્રમ શરૂ કરવા ઘણા યાદગાર કાર્યક્રમો યોજવા જોઈએ.
હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો
