અમેરિકન ઓનલાઈન કંપની PayPal Holdings Inc એ 1 એપ્રિલથી ભારતમાં ડોમેસ્ટિક પેમેન્ટ સેવા બંધ કરવાનો નિર્ણય લીધો છે. શુક્રવારે કંપનીએ આ માહિતી આપી હતી. કેલિફોર્નિયામાં સાન જોસ સ્થિત કંપની PayPal હવે ક્રોસ બોર્ડર પેમેન્ટ બિઝનેસમાં ધ્યાન કેન્દ્રિત કરશે. આનો અર્થ એ કે વૈશ્વિક ગ્રાહકો હજી પણ સેવાનો ઉપયોગ કરીને ભારતીય વેપારીઓને ચૂકવણી કરી શકશે.
કંપનીએ એક નિવેદનમાં જણાવ્યું છે કે, 1 એપ્રિલ 2021 થી અમે ભારતીય વ્યવસાયો માટે વધુ આંતરરાષ્ટ્રીય વેચાણને સક્ષમ કરવા અને ભારતમાં અમારા ઘરેલું ઉત્પાદનથી દૂર ધ્યાન કેન્દ્રિત કરવા પર પોતાનું તમામ ધ્યાન કેન્દ્રિત કરીશું. આનો અર્થ એ છે કે અમે 1 એપ્રિલથી ભારતની અંતર્ગત ઘરેલું ચુકવણી સેવાઓ આપીશું નહીં.
હાલમાં PayPal અનેક ભારતીય ઓનલાઇન એપ્લિકેશનો પર ચુકવણીનો વિકલ્પ છે જેમ કે મુસાફરી અને ટિકિટિંગ સેવા મેકમાય ટ્રીપ, ઓનલાઇન મૂવી બુકિંગ એપ્લિકેશન બુકમાયશો અને ફૂડ ડિલીવરી એપ્લિકેશન સ્વિગી જેવી એપમાં ઓનલાઇન ચુકવણી માટેનો વિકલ્પ છે.
હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો
