દેશમાં કોરોના વેક્સીનેશનને (Covid-19 Vaccination)લઈને તૈયારીઓ જોરશોરથી ચાલી રહી છે. કેન્દ્ર સરકાર (Central Government)તરફથી સ્પષ્ટ કરવામાં આવી ચૂક્યું છે કે સામાન્ય લોકો સુધી વેક્સીન પહોંચાડવાની બધી પ્લાનિંગ કરી લેવામાં આવી છે. હવે ખબર આવી રહી છે કે 8 જાન્યુઆરીને દેશના બધા જિલ્લોમાં કોરોના વેક્સીનેશનો ડ્રાઇ રન (Dry Run)કરવામાં આવશે. ઉલ્લેખનીય છે કે હાલમાં જ સીરમ ઇન્સ્ટિટ્યૂટ ઓફ ઇન્ડિયા અને ભારત બાયોટેકની વેક્સીનને ઇમરજન્સી યૂઝની મંજૂરી આપવામાં આવી ગઈ છે.
નેશનલ કોવિડ ટાસ્ક ફોર્સના હેડ ડૉ. વિનોદ પોલે કેટલાક દિવસો પહેલા કહ્યું હતું કે કોવિડ ટિકાકરણ માટે સરકાર, ઇન્ડસ્ટ્રી અને અન્ય સ્ટેહોલ્ડર્સ એક સાથે મળીને ટીમની જેમ કામ કરી રહ્યા છે. પહેલા ફેઝમાં દેશમા 30 કરોડ લોકોને ટિકાકરણ કરવામાં આવશે. તેમની પ્રાથમિકતાના આધારે પસંદગી કરી છે.
દેશમાં આ માટે 31 મોટા સ્ટોક હબ હશે. આ સ્ટોક હબથી બધા રાજ્યોના 29 હજાર વેક્સીનેશન પોઇન્ટ્સ સુધી વેક્સીનની સપ્લાય કરવામાં આવશે. સરકાર સ્પષ્ટ કરી ચૂકી છે કે લોકોના ટિકાકરણમાં આર્થિક બાબત આડે આવશે નહીં.
ડો. પોલે સ્પષ્ટ કર્યું હતું કે હાલના સમયે વેક્સીનેશનને લઈને ફ્રન્ટલાઇન વર્કર્સ અને મોટી ઉંમરના લોકો પ્રાથમિકતામાં છે. દેશની બધી જનસંખ્યાનું ટિકાકરણ પહેલા ફેઝમાં કરવામાં આવશે નહીં. કોરોનાના કારણે ઓછા મોત થાય તે માટે હાઇ રિસ્ક વાળા લોકોને પહેલા જ વેક્સીનેશનના લિસ્ટમાં સામેલ કરવામાં આવશે.
હવે ટેલિગ્રામ પર મેળવો મહત્વના સમાચાર, અમારી ટેલિગ્રામ ચેનલને સબ્સ્ક્રાઇબ કરવા ક્લિક કરો
