વોટ્સએપે લોન્ચ કરું નવું ફીચર, હવે થઇ જશે આ સમસ્યા દૂર

November 5, 2020

(દિવ્યક્રાંતિ ન્યુઝ) તા.05-11-2020

ઇન્સ્ટન્ટ મેસેજિંગ એપ વોટ્સએપ(WhatsApp) એ અપડેટેડ સ્ટોરેજ મેનેજમેન્ટ ટૂલનું લોન્ચિંગ કર્યું છે. આ નવા ટૂલનો ઉદ્દેશ્ય યુઝર્સને સારું સ્ટોરેજ આપવાનો છે. માહિતી મુજબ આ ટૂલની મદદથી યુઝર્સ બલ્ક આઇટમ્સ(Bulk Items) ડિલીટ કરી શકશે.

મીડિયા રિપોર્ટ મુજબ આ ટૂલના માધ્યમથી એપમાં મોટી ફાઇલો અને વારંવાર ફોરવર્ડ કરેલ મેસેઝથી સ્ટોરેજ ફ્રી(Storage) કરી શકાશે. આ ટૂલના માધ્યમથી યુઝર્સ બલ્ક આઇટમ ડિલીટ કરી સ્પેસ ફ્રી કરી શકશે. આ ટૂલનો(Tool) ઉપયોગ કરવા માટે સેટિંગમાં સ્ટોરેજ અને ડેટા ઓપ્શનમાં જઈ મેનેજ સ્ટોરેજમાં ટૂલનો ઉપયોગ કરી શકાશે.

આ સિવાય વોટ્સએપ જલ્દી મલ્ટી ડિવાઇસ(Multi Device) સપોર્ટ ફીચર પણ લોન્ચ કરવાની તૈયારીમાં છે. એવા સમાચાર મળ્યા છે. મળતી માહિતી મુજબ હાલ આ ફીચર પર કામ ચાલી રહ્યું છે. રિપોર્ટ પ્રમાણે આ ફીચરના લોન્ચ થયા બાદ યુઝર્સ ચાર અલગ-અલગ ડિવાઇસથી વોટ્સએપમાં લોગ ઇન કરી શકશે અને એક જ સમયમાં આવું કરવું સંભવ થઈ શકશે.