આમ આદમી પાર્ટી મોરબી જીલ્લા દ્વારા “શ્રદ્ધાંજલિ” સાથે “આક્રોશ પ્રદર્શન” કરવામાં આવ્યું

June 20, 2020

(દિવ્યક્રાંતિ ન્યુઝ) તા.20-06,

ચીન દ્વારા ભારતીય સૈનિકો ઉપર કરવામાં આવેલ હુમલાના વિરોધમાં આમ આદમી પાર્ટી મોરબી જીલ્લા દ્વારા આજ રોજ મોરબી જિલ્લા પ્રભારી ભરત બારોટની આગેવાનીમાં શહીદોને શ્રદ્ધાંજલિ આપી આક્રોશ પ્રદર્શન કરેલ..

તાજેતરમાં ચીન દ્વારા ભારતીય જવાનો પર હીચકારો હુમલો કરવામાં આવ્યો જેમાં 20 જેટલા ભારતીય સેનાના બહાદુર જવાનોએ શહીદી વહોરી. ચીનના આ કાયરતાભર્યા પગલાંનો આમ આદમી પાર્ટી ગુજરાત સખત શબ્દોમાં સમગ્ર ગુજરાતમાં આજ રોજ વિરોધ કરેલ. જેના ભાગ રૂપે આજ રોજ મોરબી ગાંધી ચોકમાં આવેલ શહિદ ભગતસિંહ ના સ્ટેચ્યુ પાસે મોરબી આમ આદમી પાર્ટી દ્વારા શ્રદ્ધાંજલિ અને આક્રોશ વ્યક્ત કરેલ.