PSI આર. બી. તાપરીયા તથા સ્ટાફે ખરા અર્થમાં પોલીસ પ્રજાની મિત્ર છે તે સાબિત કરી બતાવ્યુ
(જયદેવ બુધ્ધભટ્ટી દ્વારા) તા. 1-4, કોરોના સામે દેશ એકજુટ થઇ લડાઈ લડી રહ્યો છે ત્યારે ફ્રન્ટ લાઈન પર આ યુદ્ધ લડતા યોદ્ધા એવા આપણા પોલીસ પ્રસાશનની કામગીરી ખરેખર પ્રશંસનીય છે, લોકડાઉનની પરિસ્થિતિનો અમલ કરાવવા ઉપરાંત પણ આ પ્રકારની સેવાકીય પ્રવૃત્તિ કરવી તે ખરેખર ખુબ જ પ્રશંસનીય છે.
હાલમાં જ મોરબીના PSI આર. બી. તાપરીયા તથા હેડકોન્સ્ટેબલ સંજય બોરીચા, સંજય ભરવાડ, ગોવિંદ ઘોડાસરા, વિનુભાઈ ડાંગર સહીતના સ્ટાફે પોતાના સ્વ ખર્ચે 500 જેટલા ગરીબ પરિવારોએ ઘરે જઈને રાશનની કીટનું વિતરણ પોતાની દેખરેખ હેઠળ કરવામાં આવ્યું છે. આ રાશન કીટમાં 10 કિલો ઘઉં, 5 કિલો બટેટા , 3 કિલો ડુંગરી, 1 કિલો તેલ, 300 ગ્રામ મરચું, 100 ગ્રામ ઘણાજીરું, 100 ગ્રામ હળદળ, 1 થેલી મીઠું સહીત સંપૂર્ણ રાશનની કીટ કુલ 500 જેટલા પરિવારોને વિનામૂલ્ય આપવામાં આવી હતી. ત્યારે આ માનવતાના કાર્યમાં વધુ એ સારું કાર્ય કરી રહેલી મોરબી પોલીસ ખરેખર ધન્યવાદને પાત્ર છે. દિવ્યક્રાંતિ મીડિયા પરિવાર સૌ સંકટના સમયે યથાયોગ્ય રીતે મદદરૂપ થતા તમામ લોકોને,તમામ સંસ્થાનોને ખુબ ખુબ અભિનંદન પાઠવે છે. (તસ્વીર: મનીષ હીરાણી, મોરબી)
વધુ ન્યુઝ આપના વોટ્સએપ પર મેળવવા આપનું નામ, અને શહેરનું નામ લખી આ નંબર પાર : 9723162036 પર વૉટ્સઍપ કરો